വൺസ് അപ്പോൺ എ ടൈം ഇൻ മുംബൈ, ബ്ലാക്ക് ഫ്രൈഡേ എന്നീ ചിത്രങ്ങളിലൂടെ പ്രേക്ഷകർക്ക് പ്രിയങ്കരനായ നടൻ ആസിഫ് ബസ്രയെ തൂങ്ങിമരിച്ച നിലയിൽ കണ്ടെത്തി. ഹിമാചൽ പ്രദേശിലെ ഒരു വാടക കെട്ടിടത്തിലാണ് താരത്തിനെ മരിച്ച നിലയിൽ കണ്ടെത്തിയത്. ഫോറൻസിക് വിദഗ്ദ്ധർ പരിശോധന നടത്തിക്കൊണ്ടിരിക്കുകയാണ്. ആത്മഹത്യയാണെന്നാണ് പ്രാഥമിക നിഗമനം. കൈ പോ ചെ, കൃഷ് 3, സൂര്യ നായകനായ അഞ്ചാൻ തുടങ്ങിയ ചിത്രങ്ങളിൽ അഭിനയിച്ചിട്ടുള്ള ആസിഫ് ബസ്ര മോഹൻലാൽ – സിദ്ധിഖ് കൂട്ടുകെട്ടിൽ പുറത്തിറങ്ങിയ ബിഗ് ബ്രദറിലും ഒരു ശ്രദ്ധേയ വേഷം കൈകാര്യം ചെയ്‌തിരുന്നു.
