പ്രേക്ഷക ശ്രദ്ധ നേടിയ ബിഗ് ബോസ് സീസണ്‍ ടുവില്‍ നടക്കുന്നത് അപ്രതീക്ഷിത സംഭവങ്ങള്‍. ഏറെ ജനശ്രദ്ധ ഉള്ളതും ആരാധക പിന്‍ബലമുള്ള മത്സരാര്‍ത്ഥിയായ ഡോക്ടര്‍ രജിത്തിനെയാണ് ഷോയില് നിന്നും മാറി താല്‍ക്കാലികമായി പുറത്താക്കിയത്. ടാസ്‌കില്‍ നടന്ന ഒരു ഭാഗമാണിതെന്നും, സാര്‍ തിരിച്ചു വരും തുടങ്ങി സോഷ്യല്‍ മീഡിയയില്‍ ചര്‍ച്ചകള്‍ ഉയരുന്നുണ്ട്യ എന്നാല്‍ ഇതുവരെ അദ്ദേഹത്തെ ഷോയില് പങ്കെടുപ്പിച്ചിട്ടില്ല. ഈ ആഴ്ച മോഹന്‍ലാല്‍ വരുന്നതും കാത്ത് പ്രതീക്ഷയിലാണ് ആരാധകര്‍.
മിനി സ്‌ക്രീനിലൂടെ പ്രേക്ഷകര്‍ക്ക് സുപരിചിതയായ താരമാണ് മഞ്ജു പത്രോസ്. മിനിസ്‌ക്രീനിലൂടെയും പിന്നീട് സിനിമയിലൂടെയും സജീവമാ ചാരം ബിഗ് ബോസിലെ മത്സരാര്‍ത്ഥിയായിരുന്നു.ഷോയില് നിന്ന് പുറത്തായ ശേഷം നിരവധി സൈബര്‍ ആക്രമണം നേരിടേണ്ടിവരുന്നിരുന്നു. ഇപ്പോഴിതാ അതിനെല്ലാമുള്ള ഒരു മറുപടി സോഷ്യല്‍ മീഡിയയിലൂടെ മഞ്ജു കുറിക്കുകയാണ്.
കുറിപ്പ് വായിക്കാം:
ഇന്ന് എനിക്ക് ഒരുപാട് സന്തോഷം ഉള്ള ദിവസമാണ്. കഴിഞ്ഞ 12വര്‍ഷത്തോളമായി ഞങ്ങളെ അലട്ടി കൊണ്ടിരുന്ന സാമ്പത്തിക ബാധ്യതകള്‍ ഇന്ന് തീര്‍ന്നു. ഇനിയൊരു ചെറിയ വീടുണ്ടാക്കണം.നന്ദി ബിഗ്ഗ്ബോസിനോടും എന്നെ സ്‌നേഹിചവരോടും. ഈ ഒരു ആവശ്യത്തിന് വേണ്ടി ആയിരുന്നു ഞാന്‍ ബിഗ്ഗ്ബോസിലേക്ക് പോയത്. അവിടെ ഞാന്‍ എന്ന വ്യക്തിയായിട്ട് തന്നെയാണ് നിന്നത്. അത് എന്നെ വിമര്‍ശിച്ചവര്‍ പറഞ്ഞ പോലെയാണെങ്കിലും ശരി. എന്റെ നിലപാടുകള്‍ അന്നും ഇന്നും ഒന്ന് തന്നെ. ഇതിനിടയില്‍ എന്റെ ഭാഗത്തു നിന്ന് വന്ന വലിയൊരു വീഴ്ചയാണ് കുഷ്ഠരോഗിയുടെ മനസ് എന്ന പരാമര്‍ശം. അതിനു ഞാന്‍ അവിടെ പൊതുവായും ആ വ്യക്തിയോടും മാപ്പ് പറഞ്ഞതുമാണ്. അങ്ങനെ ഒരു പരാമര്‍ശത്തില്‍ മാത്രമാണ് ഞാന്‍ ഇന്നും ഖേദിക്കുന്നത്. ഓണ്‍ലൈന്‍ മാധ്യമങ്ങളോട്… ഇല്ലാത്ത വാര്‍ത്തകള്‍ ഇക്കിളി വാര്‍ത്തകളായി പ്രചരിപ്പിച്ചു വ്യൂസും സബ്‌സ്‌ക്രൈബേഴ്‌സിനെയും നേടുവാന്‍ നോക്കുമ്പോള്‍ ഒന്ന് ഓര്‍ക്കുക.. നിങ്ങളെ പോലെ ഞങ്ങള്‍ക്കുമുണ്ട് കുഞ്ഞുങ്ങള്‍..കുടുംബം..നിങ്ങള്‍ പണമുണ്ടാക്കിക്കോ. പക്ഷെ അത് ഒരാളുടെയും ജീവിതത്തില്‍ ചവിട്ടി ആകരുത്. സോഷ്യല്‍ മീഡിയയില്‍ എന്നെ ആക്രമിക്കുന്നവരോട്…, Biggboss ഒരു ഗെയിംഷോ ആയിരുന്നു. അതവിടെ കഴിഞ്ഞു എന്ന് വിശ്വസിക്കാനാണ് ഞാന്‍ ആഗ്രഹിക്കുന്നത്.നിങ്ങളുടെ ദൈവം ഉടന്‍ ബിഗ്ഗ്ബോസില്‍ തിരികെ എത്തുമായിരിക്കും. അദ്ദേഹത്തെ ഇഷ്ടമുള്ളവര്‍ അദ്ദേഹത്തെ സപ്പോര്‍ട്ട് ചെയ്യൂ.. വോട്ട് നല്‍കു…. എന്നെ ഉപദ്രവിക്കരുത്… എന്നെ വിട്ടേക്കൂ… എല്ലാം ഇവിടെ കഴിഞ്ഞു എന്ന് ഞാന്‍ വിശ്വസിക്കുന്നു. ഇത് ഒരു പുതിയ തുടക്കമാകട്ടെ എനിക്കും നിങ്ങള്‍ക്കും… ഇനിയും എന്നെ ചൊറിയാന്‍ വന്നാല്‍ ഞാന്‍ മാന്തും.. കാരണം… ഞാന്‍ അഹങ്കാരിയാണ്.. വിവരമില്ലാത്തവളാണ്…. സംസ്‌കാരമില്ലാത്തവളാണ്…. നന്ദി.
