ബിജു മേനോൻ നായകനായി എത്തിയ പടയോട്ടം സൂപ്പർ ഹിറ്റിൽ നിന്നും മെഗാഹിറ്റിലേക്ക് ജൈത്രയാത്ര തുടരുകയാണ്.വീക്കെന്‍ഡ് ബ്ലോക്ക്ബസ്റ്റേഴ്സ് ആണ് ചിത്രം നിർമിച്ചത്.
തിരുവനന്തപുരത്തെ പേരു കേട്ട ഗുണ്ടായ ചെങ്കൽ രഘുവിനും സുഹൃത്തുക്കൾക്കും ഒരു ആവശ്യത്തിനായി തിരുവനന്തപുരത്തു നിന്നും കാസർകോടിലേക്ക് യാത്ര ചെയ്യേണ്ടി വരുന്നു.ആ യാത്രയിൽ ഉണ്ടാകുന്ന രസകരമായ സംഭവങ്ങളാണ് കോമേടിയുടെ പശ്ചാത്തലത്തിൽ പടയോട്ടത്തിൽ ആവിഷ്‌കരിക്കുന്നത്.
ബിജു മേനോനെ നായകനാക്കി അടുത്ത ചിത്രവും ഒരുക്കുവാനുള്ള തയ്യാറെടുപ്പിലാണ് വീക്കെൻഡ് ബ്ലോക്ക്ബസ്റ്റേഴ്സ് ഇപ്പോൾ.ചിത്രം സംവിധാനം ചെയ്യുന്നത് കുഞ്ഞിരാമായണം,ഗോദ എന്നി ചിത്രങ്ങൾ ഒരുക്കിയ ബേസിൽ ജോസഫും.ബേസിൽ പടയോട്ടത്തിലും ഒരു മികച്ച വേഷത്തിൽ എത്തുന്നുണ്ട്.
ചിത്രത്തിന് തിരക്കഥ ഒരുക്കുന്നതാകട്ടെ തൊണ്ടിമുതലും ദൃക്‌സാക്ഷിയും എന്ന ചിത്രം സമ്മാനിച്ച സജീവ് പാഴൂരും. കാത്തിരിക്കാം വീക്കെൻഡ് ബ്ലോക്ക്ബസ്റ്റേഴ്സ് സമ്മാനിക്കുന്ന മറ്റൊരു മനോഹരചിത്രത്തിനായി
