ലൂസിഫറിനു ശേഷം മോഹന്‍ലാലിനെ നായകനാക്കി പുതിയ സിനിമ എടുക്കാനൊരുങ്ങി പൃഥ്വിരാജ്. ബ്രോ ഡാഡി എന്ന് പേരിട്ടിരിക്കുന്ന സിനിമയില്‍ പൃഥ്വിയും നായകനായി എത്തുന്നു. പരസ്യകലയിലൂടെ ശ്രദ്ധേയരായ ഓള്‍ഡ്മൊങ്ക്സ് ഡിസൈനിലെ എന്‍.ശ്രീജിത്തും ബിബിന്‍ മാളിയേക്കലും ചേര്‍ന്നാണ് തിരക്കഥയൊരുക്കുന്നത്.
ഫണ്‍ ഫാമിലി ഡ്രാമയായാണ് സിനിമ ഒരുക്കുന്നതെന്ന് പൃഥ്വിരാജ് പറഞ്ഞു. പ്രേക്ഷകരെ ചിരിപ്പിക്കാന്‍ ആഹ്ലാദിപ്പിക്കാനും കഴിയുന്ന ചിത്രമായിരിക്കുമെന്നും പൃഥ്വിരാജ്. ബറോസ് അടുത്ത ഷെഡ്യൂളിന് മുമ്പ് ബ്രോ ഡാഡിയുടെ ഷൂട്ടിങ് ആരംഭിക്കും.
My 2nd directorial. #BRODADDY will once again be headlined by The Lalettan @Mohanlal , with an ensemble cast including yours truly. Produced by #AntonyPerumbavoor (#AashirvadCinemas), a fun family drama that makes you smile, laugh & want to revisit. Rolling soon. Very soon. 😊 pic.twitter.com/uNW75kUciP
— Prithviraj Sukumaran (@PrithviOfficial) June 18, 2021
കല്യാണി പ്രിയദര്‍ശന്‍, മീന, ലാലു അലക്സ്, മുരളി ഗോപി, കനിഹ, സൗബിന്‍ ഷാഹിര്‍ എന്നിവരാണ് മറ്റ് അഭിനേതാക്കള്‍. ലോക്ക് ഡൗണ്‍ നിയന്ത്രണങ്ങള്‍ക്ക് ശേഷം ചിത്രീകരിക്കുന്ന മോഹന്‍ലാല്‍ സിനിമയുമായിരിക്കും ബ്രോ ഡാഡി. അഭിനന്ദന്‍ രാമാനുജമാണ് ക്യാമറ. ദീപക് ദേവാണ് സംഗീത സംവിധാനം. വാവയാണ് മുഖ്യസഹസംവിധാനം. ഗോകുല്‍ ദാസ് കലാസംവിധാനം അഖിലേഷ് മോഹന്‍ എഡിറ്റര്‍. സിനറ്റ് സേവ്യര്‍ സ്റ്റില്‍സ്. ശ്രീജിത് ഗുരുവായൂര്‍ മേക്കപ്പ്. കോസ്റ്റ്യൂംസ് സുജിത് സുധാകരന്‍.
