സനൽ കുമാർ ശശിധരൻ സംവിധാനം ചെയ്ത ഏറ്റവും പുതിയ ചിത്രമാണ് “ചോല” .പ്രശസ്തമായ വെനീസ് അന്താരാഷ്ട്ര ചലചിത്രോത്സവത്തിൽ റെഡ് കാർപ്പറ്റ് വേൾഡ് പ്രിമിയറിൽ ഇന്നലെ ചിത്രം പ്രദർശിപ്പിച്ചു. സനൽ കുമാർ ശശിധരൻ, ജോജു ജോർജ്ജ്, നിമിഷ സജയൻ, സിജോ വടക്കൻ ,ഷാജി മാത്യു എന്നിവരാണ് റെഡ് കാർപ്പറ്റ് വേൾഡ് പ്രിമിയറിൽ ഭാഗമാകുന്നത്‌.
ലോകസിനിമയിലെ പുതിയ ട്രെൻഡുകളെ പരിചയപ്പെടുത്തുന്ന ഒറിസോണ്ടി മത്സരവിഭാഗത്തിലാണ് ചോല പ്രദർശിപ്പിക്കുന്നത്. വെനീസ് ലഗൂണിലെ ലിഡ ദ്വീപിലാണ് ലോകത്തെ മൂന്ന് പ്രധാന ചലചിത്രമേളകളിലൊന്നായ വെനീസ് ഫിലിം ഫെസ്റ്റിവൽ നടക്കുന്നത്. ജോജു ജോർജ്, നിമിഷ സജയൻ, നവാഗതനായ അഖിൽ വിശ്വനാഥ് എന്നിവരാണ് ചോലയിൽ പ്രധാന കഥാപാത്രങ്ങളെ അവതരിപ്പിക്കുന്നത്.
അടൂർ ഗോപാലകൃഷ്ണന്റെ മതിലുകൾ നിഴൽ കൂത്ത് എന്നിവയാണ് ഇതിനു മുൻപ് വെനീസ് ചലച്ചിത്രമേളയിലേക്ക് മലയാളത്തിൽ നിന്ന് പ്രദർശിപ്പിക്കപ്പെട്ട ചലച്ചിത്രങ്ങൾ.
അപ്പു പാത്തു പപ്പു പ്രൊഡക്ഷൻ ഹൗസിന്റെ ബാനറിൽ ജോജു ജോർജ്ജ് നിർമിച്ച ചോല, സിജോ വടക്കനും, നിവ് ആർട്ട് മൂവീസുമാണ് കോ പ്രൊഡ്യുസ് ചെയ്തിരിക്കുന്നത്.
അടുത്ത കാലത്ത് മലയാള സിനിമയിൽ പലതരം സിനിമകൾ വന്നു പോയിട്ടുണ്ടെങ്കിലും ഇത്തരം ഒരു വലിയ അംഗീകാരം നേടിയെടുത്തു ചിത്രം ചോലയാണ്. റെഡ് കാർപെറ്റ് വേൾഡ് പ്രീമിയറിൽ തിളങ്ങിനിന്ന താരങ്ങൾ റെഡ് കാർപെറ്റിൽ പ്രേക്ഷകരിലേക്ക് ലൈവിൽ വന്നു.
