നക്ഷത്ര പ്രൊഡക്ഷസിന്റെ ബാനറില്‍ നിഷ മഹേശ്വരന്‍ നിര്‍മ്മിച്ച് നവാഗതനായ ബിജു മാണി തിരക്കഥയെഴുതി സംവിധാനം ചെയ്ത ‘ചുഴല്‍’ സൈന പ്ലേ ഒടിടി പ്ലാറ്റ്ഫോമില്‍ റീലീസായി. സുഹൃത്തുക്കളായ നാല് യുവാക്കളും ഒരു യുവതിയും അടങ്ങുന്ന സംഘം ഇടുക്കിയിലെ ഒരു ഹില്‍ സ്റ്റേഷനിലേക്ക് എത്തിച്ചേരുന്നതും, തുടര്‍ന്നു നടക്കുന്ന കാര്യങ്ങളുമാണ് മിസ്റ്ററി ത്രില്ലര്‍ വിഭാഗത്തിലുള്ള ചുഴലിന്റെ പ്രമേയം.
ചിത്രം കാന്‍സ് ഇന്റര്‍നാഷണല്‍ വേള്‍ഡ് ഫിലിം ഫെസ്റ്റിവലില്‍ ഉള്‍പ്പെടെ സെലെക്ഷന്‍ നേടിയിരിക്കുകയാണ്. കാന്‍സ് കൂടാതെ ആന്റമാനില്‍ നടന്ന പോര്‍ട്ട് ബ്ലയര്‍ ഇന്റര്‍നാഷണല്‍ ഫിലിം ഫെസ്റ്റിവലില്‍ മികച്ച തിരക്കഥ വിഭാഗത്തിലും മികച്ച ഹൊറര്‍ ത്രില്ലര്‍ ചിത്ര വിഭാഗത്തിലും ചുഴല്‍ പുരസ്‌കാരത്തിനു അര്‍ഹമായിട്ടുണ്ട്.
ഒരു ഹൊറര്‍ ത്രില്ലര്‍ മിസ്റ്ററി ഗണത്തില്‍ ഒരുക്കിയ ചുഴലില്‍ ആര്‍ജെ നില്‍ജ, എബിന്‍ മേരി, ശ്രീനാഥ് ഗോപിനാഥ്, ഗസല്‍ അഹമ്മദ്, സഞ്ജു പ്രഭാകര്‍ എന്നിവരാണ് പ്രധാനവേഷത്തില്‍ അഭിനയിച്ചിരിക്കുന്ന ചുഴലില്‍ ചുരുളിക്കു ശേഷം ഒരു ഗംഭീര പ്രകടനവുമായി ജാഫര്‍ ഇടുക്കിയും നിറഞ്ഞു നില്‍ക്കുന്നു. സാജിദ് നാസര്‍ ക്യാമറ നിര്‍വ്വഹിച്ചിരിക്കുന്ന ചിത്രത്തില്‍ ഹിഷാം വഹാബാണ് പശ്ചാത്തല സംഗീതം ഒരുക്കിയിരിക്കുന്നത്. അമര്‍ നാഥ് ആണ് എഡിറ്റിംഗ്.
