മലയാളി പ്രേക്ഷകരുടെ ഇഷ്ട താരജോഡികൾ ആണ് പൂർണ്ണിമയും ഇന്ദ്രജിത്തും. അഭിനയജീവിതത്തിലെ തിരക്കുകൾക്കിടയിലും സോഷ്യൽ മീഡിയയിലൂടെ തങ്ങളുടെ വിശേഷങ്ങൾ പങ്കുവയ്ക്കാൻ ഇരുവരും ശ്രദ്ധിക്കാറുണ്ട്. നടി എന്നതിനു പുറമേ ഒരു ഫാഷൻ ഡിസൈനർ കൂടിയാണ് പൂർണിമ ഇന്ദ്രജിത്ത്. മോഡൽ, നർത്തകി, അവതാരക, അഭിനയത്രി, ഡബ്ബിങ് ആർട്ടിസ്റ്റ്, ഫാഷൻ ഡിസൈനർ അങ്ങനെ തുടങ്ങി കൈവച്ച മേഖലയിൽ എല്ലാം കഴിവുതെളിയിച്ച താരമാണ് പൂർണിമ.
കൊച്ചിയിൽ പ്രാണ എന്ന പേരിൽ ഒരു ഡിസൈനിങ് ബോട്ടിക് പൂർണിമയ്ക്ക് ഉണ്ട്. തമിഴ്നാട്ടുകാരി ആണെങ്കിലും കേരളത്തിൽ തന്നെയാണ് പൂർണിമ ജനിച്ചതും വളർന്നതും. ഭർത്താവായ ഇന്ദ്രജിത്തും മക്കളായ നക്ഷത്രയും പ്രാർത്ഥനയും പൂർണിമയ്ക്ക് ഫുൾ സപ്പോർട്ട് ആണ്. പ്രാർത്ഥന ഒരു ഗായികയും നർത്തകിയും കൂടിയാണ്. ചെറുപ്രായത്തിൽ തന്നെ സിനിമയിൽ പിന്നണിഗായികയായി പാടുവാൻ അവസരം ലഭിച്ച താരമാണ് പ്രാർത്ഥന ഇന്ദ്രജിത്ത്. സോഷ്യൽ മീഡിയയിൽ പൂർണ്ണിമ പങ്കുവെച്ച ഒരു ചിത്രവും അതിനു വന്ന കമന്റും ആണ് ഇപ്പോൾ വൈറലാകുന്നത്.
പൂർണിമ പുഞ്ചിരിച്ചുകൊണ്ട് നിൽക്കുന്ന ഒരു ചിത്രമായിരുന്നു പോസ്റ്റ് ചെയ്തിരുന്നത്. ഇതിന് താഴെയായി വന്ന കമന്റ് ഇങ്ങനെ ആയിരുന്നു. ” ഇപ്പോൾ മനസ്സിലായി പ്രാർത്ഥനയുടെ ചുണ്ടുകൾ എവിടെ നിന്ന് വന്നു എന്ന്”. പൂർണ്ണിമയുടെ ചുണ്ടുകൾ പോലെ തന്നെയാണ് പ്രാർത്ഥനയുടേയും എന്നാണ് കമന്റ് ഇട്ട ആൾ ഉദ്ദേശിച്ചത്. ഇതിനു താഴെ അത് ശരിയാണ് എന്ന പ്രാർത്ഥനയും കമന്റ് ചെയ്യുന്നു.
