മമ്മൂക്കയുടെ ഏറ്റവും പുതിയ ചിത്രമാണ് ഒരു കുട്ടനാടൻ ബ്ലോഗ്.തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രമാണിത്.ചിത്രത്തിന് കുടുംബ പ്രേക്ഷകരുടെ ഇടയിൽ നിന്ന് മികച്ച അഭിപ്രായങ്ങൾ ആണ് ലഭിച്ചത്.
ചിത്രത്തിനെ തകർക്കാൻ ഒരു കൂട്ടം ആളുകൾ ഇപ്പോൾ രംഗത്തെത്തിയിരിക്കുകയാണ്.
അതിനെതിരെ നിയമ നടപടിക്കൊരുങ്ങുകയാണ് ഇപ്പോൾ ഒരു കുട്ടനാടൻ ബ്ലോഗിന്റെ അണിയറ പ്രവർത്തകർ. ചില ഓൺലൈൻ സൈറ്റുകൾ ആണ് ഒരു കുട്ടനാടൻ ബ്ലോഗ് എന്ന ചിത്രത്തിന്റെ വ്യാജ കളക്ഷൻ പ്രചരിപ്പിക്കുന്നത്. ഒരു കുട്ടനാടൻ ബ്ലോഗിന് കളക്ഷൻ വളരെ കുറവ് ആണെന്നും ചിത്രം ഒരു പരാജയം ആണെന്നും വരുത്തി തീർക്കാൻ സൈബർ കുപ്രചരണങ്ങളിലൂടെ ചിലർ ശ്രമിക്കുകയാണെന്നും അതിനെതിരെ നിയമ പരമായി തന്നെ നീങ്ങാൻ പോവുകയാണെന്നും ചിത്രത്തിന്റെ അണിയറ പ്രവർത്തകർ അറിയിച്ചിട്ടുണ്ട്.
പേര് സൂചിപ്പിക്കുന്നത് പോലെ കുട്ടനാട്ടിലെ ഗ്രാമ പ്രദേശത്തെ കഥയാണ് ചിത്രം പറയുന്നത്.ലക്ഷ്മി റായ്,അനു സിത്താര,ദീപ്തി സതി എന്നിവർ ആയിരിക്കും ചിത്രത്തിൽ നായികമാരായി എത്തുന്നത്. മമ്മൂട്ടിയോടൊപ്പം ഉള്ള റായ് ലക്ഷ്മിയുടെ അഞ്ചാം ചിത്രമാണ് ഇത്.
നെടുമുടി വേണു, സുരാജ് വെഞ്ഞാറമൂട്,സിദ്ദിഖ് തുടങ്ങിയവരും അഭിനയിക്കുന്നു
