നിയമസഭാ തെരഞ്ഞെടുപ്പില്‍ പരാജയമേറ്റു വാങ്ങിയെങ്കിലും ബാലുശ്ശേരിയില്‍ തനിക്ക് വോട്ടു ചെയ്തവര്‍ക്കും തന്നെ സ്‌നേഹിച്ചവര്‍ക്കും നന്ദി പറഞ്ഞ് നടന്‍ ധര്‍മ്മജന്‍ ബോള്‍ഗാട്ടി. ഫേസ്ബുക്ക് പോസ്റ്റിലൂടെയാണ് താരം നന്ദി അറിയിച്ചത്.
ബാലുശേരിയില്‍ യുഡിഎഫ് സ്ഥാനാര്‍ത്ഥിയായി മത്സരിച്ച ധര്‍മ്മജനെ, 20,223 വോട്ടുകള്‍ക്ക് എല്‍ഡിഎഫ് സ്ഥാനാര്‍ത്ഥി എസ്എഫ്‌ഐയുടെ യുവനേതാവ് സച്ചിന്‍ ദേവാണ് തോല്‍പ്പിച്ചത്. എല്‍ഡിഎഫിനു മേല്‍ക്കൈയുളള ബാലുശ്ശേരി മണ്ഡലത്തില്‍ ധര്‍മ്മജന്റെ സ്ഥാനാര്‍ത്ഥിത്വം പോലും ആദ്യഘട്ടത്തില്‍ ചര്‍ച്ചയായിരുന്നു. മണ്ഡലത്തില്‍ ധര്‍മ്മജന്‍ സ്ഥാനാര്‍ത്ഥിയായി വന്നാല്‍ പാര്‍ട്ടി പരാജയപ്പെടുമെന്ന സൂചന പ്രവര്‍ത്തകര്‍ നല്‍കിയിരുന്നു.
ബാലുശ്ശേരി നിയോജക മണ്ഡലത്തിലെ എന്നെ സ്നേഹിച്ചവർക്കും സ്വീകരിച്ചവർക്കും എനിക്ക് വോട്ട് ചെയ്തവർക്കും എന്നോടൊപ്പം…
Posted by Dharmajan Bolgatty on Thursday, 6 May 2021
