ഒരു ഇടവേളക്ക് ശേഷം തുറക്കുന്ന കേരളത്തിലെ തിയേറ്റുകൾക്ക് മാസ്റ്റർ സിനിമ ഒരു അനുഗ്രഹം ആണെന്ന് ദിലീപ്. കേരളത്തിലെ തിയറ്റര്‍ വ്യവസായത്തെ രക്ഷപ്പെടുത്താനെത്തിയ ചിത്രമാണ് ‘മാസ്റ്റര്‍’ എന്ന് തിയറ്റര്‍ ഉടമയും ഫിയോക് ചെയര്‍മാനുമായ നടന്‍ ദിലീപ് വ്യക്തമാക്കി. കേരളത്തിലെ എല്ലാ തിയേറ്ററുകളിലും മാസ്റ്റർ പ്രദർശനത്തിന് വെക്കുമെന്ന് ദിലീപ് അറിയിച്ചു.
‘അന്‍പത് ശതമാനം മാത്രമാണ് ആളുകളെ കയറ്റാനാകൂ, പ്രദര്‍ശനത്തിന്റെ എണ്ണവും കുറവ്. എന്നാലും എല്ലാവരും കാത്തിരുന്നൊരു ചിത്രം തന്നെ തിയറ്ററുകളില്‍ വരുന്നു. ഇത്രയും നാള്‍ നമ്മളൊക്കെ സങ്കടത്തിലായിരുന്നു. ഇനി ആഘോഷത്തിന്റെ കാലമാണ്’- ദിലീപ് പറഞ്ഞു.
കഴിഞ്ഞ മാര്‍ച്ച്‌ 11ന് ആണു കേരളത്തിലെ തിയറ്ററുകള്‍ അടച്ചത്. മാത്രമല്ല നിര്‍മാതാക്കളും തിയറ്റര്‍ സംഘടനയും തമ്മിലുണ്ടായിരുന്ന തര്‍ക്കങ്ങള്‍ക്കും കഴിഞ്ഞ ദിവസം അവസാനിച്ചിരുന്നു. സാമ്ബത്തിക പാക്കേജ് സര്‍ക്കാര്‍ പ്രഖ്യാപിച്ചതോടെ തിയറ്ററുകള്‍ തുറക്കാന്‍ വഴിയൊരുങ്ങുകയായിരുന്നു.
