തമിഴിലെ പ്രശസ്ത സംവിധായകന് ബാലയും മുത്തുമലരും വിവാഹമോചിതരായി. ചെന്നൈയിലെ കുടുംബ കോടതിയില്വച്ച് മാര്ച്ച് അഞ്ചിനാണ് ഇരുവരും വിവാഹമോചനം നേടിയത്.
പരസ്പര സമ്മതത്തോടെയാണ് ഇരുവരും വിവാഹമോചനത്തിന് അപേക്ഷ നല്കിയത്. നാല് വര്ഷമായി ബാലയും മുത്തുമലരും വേര്പിരിഞ്ഞ് കഴിയുകയായിരുന്നു. 2004ലാണ് ഇരുവരും വിവാഹിതരായത്. ഇവര്ക്ക് പ്രാര്ത്ഥന എന്ന മകളുണ്ട്.
വിക്രമിന്റെ മകന്റെ അരങ്ങേറ്റ സിനിമയായ ‘വര്മ്മ’യാണ് ബാലയുടെ സംവിധാനത്തില് അവസാനം പുറത്തിറങ്ങിയത്. തെലുങ്ക് സിനിമ ‘അര്ജുന് റെഡ്ഡി’യുടെ തമിഴ് റീമേക്കായിരുന്നു ചിത്രം. സൂര്യയുമായുള്ള അടുത്ത ചിത്രത്തിന്റെ തയ്യാറെടുപ്പിലാണ് ബാല. രണ്ടു ദശാബ്ദങ്ങള്ക്കുശേഷമാണ് ഇരുവരും ഒരു സിനിമയ്ക്കായി ഒന്നിക്കുന്നത്. ‘പിതാമഹന്’ ആയിരുന്നു ബാലയും സൂര്യയും ഒന്നിച്ച അവസാന ചിത്രം. സൂര്യയുടെ സിനിമാ കരിയറിലെ മികച്ച കഥാപാത്രങ്ങളിലൊന്നായിരുന്നു പിതാമഹനിലേത്.