ഒമർ ലുലുവിന്റെ ചിത്രമായ ഹാപ്പി വെഡിങിലൂടെ മലയാളികൾക്ക് പ്രിയങ്കരിയായി മാറിയ താരമാണ് ദൃശ്യ രഘുനാഥ്. ചിത്രം റിലീസ് ചെയ്തതോടെ ആരാധകർ ഒന്നടങ്കം തിരഞ്ഞത് താരത്തിനെ പറ്റിയാണ്. ഹാപ്പി വെഡിങിന് ശേഷം താരം ഒരു ചിത്രത്തിൽ മാത്രമേ അഭിനയിച്ചിട്ടുള്ളൂ എങ്കിലും സോഷ്യൽ മീഡിയയിൽ ഏറെ സജീവമാണ് ദൃശ്യ. ആരാധകർ എപ്പോഴും ദൃശ്യയുടെ വിശേഷങ്ങൾ അറിയുവാൻ ആകാംക്ഷ കാണിക്കുന്നുണ്ട്.
താരത്തിന്റെ പുതിയ ഫോട്ടോഷൂട്ട് ചിത്രങ്ങൾ ആണ് ഇപ്പോൾ പുറത്തെത്തുന്നത്. ചിറക്കൽ കാളിദാസൻ എന്ന ആനയുടെ ഒപ്പമാണ് താരം ഫോട്ടോഷൂട്ട് നടത്തിയിരിക്കുന്നത്. ബാഹുബലി 2 എന്ന മികച്ച വിജയം കൈവരിച്ച ചിത്രത്തിലെ ആനയായിരുന്നു ചിറക്കൽ കാളിദാസൻ. റെയിൻബോ മീഡിയ ആണ് ഈ ചിത്രം പകർത്തിയിരിക്കുന്നത്. ഈ ചിത്രം എടുക്കുന്നതിനു വേണ്ടി തന്നെ സഹായിച്ച നിരവധി വ്യക്തികൾക്ക് താരം നന്ദി പറയുന്നുണ്ട്. ഇൻസ്റ്റഗ്രാം പോസ്റ്റിലൂടെ താരം തന്നെയാണ് ഈ ചിത്രങ്ങൾ പുറത്തുവിട്ടത്.
