ഇന്ന് പിറന്നാളാഘോഷിക്കുകയാണ് മലയാളികളുടെ പ്രിയനടന്‍ ദുല്‍ഖര്‍ സല്‍മാന്‍. സിനിമ താരങ്ങള്‍ ഉള്‍പ്പടെ നിരവധി പേര്‍ താരത്തിന് ആശംസകള്‍ നേര്‍ന്നു. ഒപ്പം ദുല്‍ഖറും മമ്മൂട്ടിയും ഒന്നിച്ചുളള ഒരു ചിത്രം വൈറലായിരിക്കുകയാണ്. കേക്ക് മുറിക്കുന്ന ദുല്‍ഖറിന് തൊട്ടുപുറകിലായി മമ്മൂട്ടി ക്യാമറ കൊണ്ട് ചിത്രം പകര്‍ത്തുന്നതാണ് ഫോട്ടോ. നിര്‍മ്മാതാവ് ഷാജി നടേശന്‍ ഉള്‍പ്പടെ നിരവധിപ്പേരാണ് ചിത്രം പങ്കുവെച്ചിരിക്കുന്നത്.
നടന്‍ പൃഥ്വിരാജും സുഹൃത്തിന് ജന്മദിനാശംസകള്‍ നേര്‍ന്നിട്ടുണ്ട്. ദുല്‍ഖറിനൊപ്പമുള്ള ചിത്രം പങ്കുവച്ചുകൊണ്ട് ഹൃദയസ്പര്‍ശിയായ കുറിപ്പാണ് താരം ഫേസ്ബുക്കില്‍ പങ്കുവച്ചിരിക്കുന്നത്. കുടുംബങ്ങള്‍ തമ്മിലുള്ള ബന്ധത്തെക്കുറിച്ചും അദ്ദേഹം കുറിപ്പില്‍ പറയുന്നു. ‘സന്തോഷ ജന്മദിനം സഹോദരാ. എനിക്കും സുപ്രിയയ്ക്കും അല്ലിക്കും ഒരു സുഹൃത്തിനപ്പുറമാണ് നിങ്ങള്‍… ഏറ്റവും മികച്ച സുഹൃത്തും, മനോഹരമായ വ്യക്തിത്വവുമുള്ള ആള്‍. നേടിയ ഓരോ വിജയവും നിങ്ങള്‍ അര്‍ഹിക്കുന്നതാണ്.സിനിമയോട് നിനക്കുള്ള അഭിനിവേശം എനിക്കറിയാം.ബിഗ് എം സര്‍നേയിം ആയി എത്ര അഭിമാനത്തോടെയാണ് നിങ്ങള്‍ എടുക്കുന്നത്. കുടുംബവും, നമ്മുടെ കൊച്ചു പെണ്‍കുട്ടികളും എല്ലാം ഒരുമിച്ചാണ് വളരുന്നത്. ഒരുപാട് സ്നേഹം ദുല്‍ഖര്‍ എന്നാണ് പൃഥ്വിരാജ് കുറിച്ചിരിക്കുന്നത്.
പൃഥ്വിരാജിന്റെ ഭാര്യ സുപ്രിയയും ദുല്‍ഖറിന് ഇന്‍സ്റ്റഗ്രാമിലൂടെ ആശംസയറിയിച്ചു. ഇനിയുള്ള വര്‍ഷങ്ങള്‍ മനോഹരമാകട്ടെയെന്നാണ് ദുല്‍ഖറിനൊപ്പമുള്ള ചിത്രം പങ്കുവച്ചുകൊണ്ട് സുപ്രിയ കുറിച്ചിരിക്കുന്നത്. നടി നസ്രിയ നസീമും ദുല്‍ഖറിന് ഇന്‍സ്റ്റഗ്രാമിലൂടെ ആശംസ നേര്‍ന്നു. ജന്മദിനാശംസകള്‍ ബം എന്നാണ് നസ്രിയ ദുല്‍ഖറിന്റെ ചിത്രം പങ്കുവച്ചുകൊണ്ട് കുറിച്ചിരിക്കുന്നത്. ദുല്‍ഖറിന്റെ ഭാര്യ അമാലുമായും നസ്രിയയ്ക്ക് അടുത്ത സൗഹൃദമാണുള്ളത്.
View this post on Instagram
View this post on Instagram
