അനുകരണത്തിലും ഹാസ്യാവതരണത്തിലും അഭിനയത്തിലും എന്നും ആരാധകരുടെ കൈയടിയും പ്രശംസയും നേടിയിട്ടുള്ള നടനാണ് സൂരാജ് വെഞ്ഞാറമൂട്. സാഹചര്യങ്ങൾക്ക് അനുയോജ്യമായ ഹാസ്യാവതരണത്തിൽ എന്നും അദ്ദേഹത്തിന് മുന്നിൽ തന്നെയാണ് സ്ഥാനം. പലപ്പോഴും ആരാധകർ നെഞ്ചിലേറ്റിയ ഡയലോഗുമായി കടന്നുവരുന്ന താരം ആരുടേയും പ്രതീക്ഷകളെ നിരാശരാക്കാറില്ല. അതുപോലെ തന്നെയാണ് കഴിഞ്ഞ ദിവസം നടന്ന വനിതാ ഫിലിം അവാർഡ് 2018 വേദിയിലും അരങ്ങേറിയത്. ബെസ്റ് സപ്പോർട്ടിങ് ആക്ടർ ആയി തിരഞ്ഞെടുക്കപ്പെട്ട താരത്തെ അവതരണത്തിന് പ്രേരിപ്പിക്കുകയും നിറഞ്ഞ മനസോടെ പങ്കുവെച്ച ശബ്ദാനുകരണങ്ങൾ ആരാധകരുടെ മനസ്സുകീഴടക്കാൻ പോന്നവയായിരുന്നു. അതിലൊന്നായിരുന്നു ലാലേട്ടന്റെ ആറാം തമ്പുരാൻ എന്ന സിനിമയിലെ പ്രശസ്തമായ ഡയലോഗ്. സംഗീതം പഠിക്കണമെന്ന മോഹവുമായി എന്ന രംഭിക്കുന്ന ഡയലോഗ് ഹര്ഷാരവങ്ങളോടെ ആരാധകർ സ്വീകരിച്ചതിനോടൊപ്പം ദുല്ഖറിന്റെ കൈയ്യടികൂടിയായപ്പോൾ അഭിനന്ദനത്തിന്റെ പ്രവാഹം ഒരുപടികൂടി മുകളിലായി.
