മലയാള സിനിമ ലോകത്തിന് ഇന്ന് ആഘോഷദിനമാണ്. മലയാളികളുടെ സ്വകാര്യ അഹങ്കാരവും പ്രിയ സൂപ്പർതാരവുമായ മമ്മൂക്കയുടെ അറുപത്തിയൊൻപതാം പിറന്നാൾ ദിനമാണിന്ന്. സിനിമ മേഖലയിൽ ഉള്ളവരും പ്രേക്ഷകരും അത് ആഘോഷമാക്കി തീർത്തപ്പോൾ പ്രിയ വാപ്പച്ചിക്ക് കവിളിൽ ഒരു മുത്തമേകി ജന്മദിനാശംസകൾ നേർന്നിരിക്കുകയാണ് ദുൽഖർ സൽമാൻ.
എന്റെ വാപ്പിച്ചിക്ക് ജന്മദിനാശംസകൾ! എനിക്കറിയാവുന്ന ഏറ്റവും ബുദ്ധിമാനും അച്ചടക്കമുള്ളവനുമായ മനുഷ്യൻ. എനിക്ക് എന്തിനും വാപ്പച്ചിയെ സമീപിക്കാം. എന്നെ സശ്രദ്ധം കേട്ടിരുന്ന് എപ്പോഴും ശാന്തനാക്കുന്നയാൾ. അങ്ങാണ് എന്റെ സമാധാനവും എന്റെ ആശ്വാസവും. നിങ്ങളുടെ അവിശ്വസനീയമായ മാനദണ്ഡങ്ങൾക്കനുസൃതമായി ജീവിക്കാൻ ഞാൻ എല്ലാ ദിവസവും ശ്രമിക്കുന്നു. ഈ സമയം നിങ്ങളോടൊപ്പം ആയിരിക്കുവാൻ കഴിയുന്നത് ഞങ്ങൾക്ക് എല്ലാവർക്കും ഏറ്റവും വലിയ അനുഗ്രഹമാണ്. മറിയത്തോടൊപ്പം വാപ്പച്ചിയെ കാണുന്നത് എനിക്ക് ഏറ്റവും വലിയ സന്തോഷമാണ്. ജന്മദിനാശംസകൾ വാപ്പച്ചി. അങ്ങ് ചെറുപ്പമാകുന്തോറും വരും തലമുറകളെ പ്രചോദിപ്പിക്കുന്നത് തുടർന്നുകൊണ്ടിരിക്കും. ഞങ്ങൾ എല്ലാവരും വാപ്പച്ചിയെ അനന്തമായി സ്നേഹിക്കുന്നു!
