പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാന്റെ മുപ്പത്തിമൂന്നാം ചിത്രം മാർച്ച് മൂന്നിന് റിലീസ് ചെയ്യും. ‘ഹേയ് സിനാമിക’ എന്നാണ് ദുൽഖറിന്റെ മുപ്പത്തിമൂന്നാം ചിത്രത്തിന്റെ പേര്. ദുൽഖർ സൽമാന്റെ തന്നെ ഉടമസ്ഥതയിലുള്ള വേഫെറെർ റീലിസ് ആണ് ഈ സിനിമ കേരളത്തിൽ പ്രദർശനത്തിന് എത്തിക്കുന്നത്.
‘കുറുപ്പ്’ എന്ന ബ്ലോക്ക് ബസ്റ്റർ ചിത്രത്തിന് ശേഷം തിയറ്ററുകളിലേക്ക് എത്തുന്ന ദുൽഖർ ചിത്രമാണ് ഇത്‌. വലിയ പ്രതീക്ഷയോടെയാണ് ആരാധകർ ചിത്രത്തിനായി കാത്തിരിക്കുന്നത്. തമിഴ്, മലയാളം, തെലുഗ്, കന്നഡ ഭാഷകളിലാണ് ചിത്രം റിലീസ് ചെയ്യുന്നത്.
പ്രശസ്ത നൃത്തസംവിധായിക ബ്രിന്ദ ആദ്യമായി സംവിധായിക ആകുന്ന ചിത്രം കൂടിയാണ് ഹേയ് സിനാമിക. പ്രശസ്ത ഗാനരചയിതാവ് വൈരമുത്തുവിന്റെ മകനും ഗാനരചയിതാവുമായ മധൻ കർക്കിയാണ് ചിത്രത്തിന്റെ രചയിതാവ്. കാജൽ അഗർവാൾ, അദിതി റാവു ഹൈദിരി എന്നിവരാണ് നായികമാർ. സംഗീത സംവിധാനം ഗോവിന്ദ് വസന്ത്. ഇതിനകം തന്നെ ചിത്രത്തിലെ പാട്ട് പ്രേക്ഷകപ്രശംസ നേടിക്കഴിഞ്ഞു. റൊമാന്റിക് കോമഡി വിഭാഗത്തിൽ ഉൾപ്പെടുത്തിയിരിക്കുന്ന ഹേയ് സിനാമിക നിർമ്മിച്ചിരിക്കുന്നത് ജിയോ സ്റ്റുഡിയോസ്, ഗ്ലോബൽ വൺ സ്റ്റുഡിയോസ്, vaicom 18 എന്നിവരാണ്.
