വിമാനം എന്ന പൃഥ്വിരാജ് ചിത്രത്തിലൂടെ മലയാള സിനിമയില്‍ നായികയായി അരങ്ങേറ്റം കുറിച്ച താരമാണ് ദുര്‍ഗാ കൃഷ്ണ. ആദ്യ ചിത്രം വിമാനത്തിന് പിന്നാലെ ജയസൂര്യയുടെ പ്രേതം 2, ലവ് ആക്ഷന്‍ ഡ്രാമ, കുട്ടിമാമ തുടങ്ങിയ സിനിമകളിലും താരം അഭിനയിച്ചിരുന്നു.
തനി നാടന്‍ കഥാപാത്രങ്ങള്‍ ചെയ്ത് പ്രേക്ഷകര്‍ക്ക് സുപരിചിതയായ താരം അടുത്തിടെയാണ് ഗ്ലാമര്‍ വേഷങ്ങള്‍ ചെയ്ത് പ്രേക്ഷകരെ ഞെട്ടിപ്പിച്ചത്. കയ്യില്‍ എരിയുന്ന സിഗരറ്റുമായി വന്ന് ഗ്ലാമറസ് വേഷത്തില്‍ തുളങ്ങിയ താരത്തിന്റെ മേക്കോവര്‍ സോഷ്യല്‍മീഡിയയില്‍ വൈറല്‍ ആയിരുന്നു. അതുവരെ തനി നാടന്‍ ചിത്രങ്ങളില്‍ കണ്ട താരത്തെ പെട്ടെന്ന് മോഡേണ്‍ ആയി കണ്ട പ്രേക്ഷകരും ആദ്യം ഞെട്ടിയിരുന്നു. താരത്തിന്റെ പെട്ടന്നുള്ള രൂപമാറ്റമാണ് ആരാധകരെ ആദ്യം അമ്പരിപ്പിച്ചത്. ദി ബോസ് ബിച് എന്നാണ് ഫോട്ടോഷൂട്ടിന് പേരിട്ടിരുന്നത്. താരത്തിന്റെ മനോഹരമായ ചിത്രങ്ങള്‍ പകര്‍ത്തിയത് ജില്‍സണ്‍ ആണ്.
ദുര്‍ഗ ഒരു സാധാരണ പെണ്‍കുട്ടിയാണെന്നും സിഗരറ്റ് ഇത് വരെ ഉപയോഗിക്കാത്ത ദുര്‍ഗയ്ക്ക് ഇത് ഒരു ചലഞ്ച് ഫോട്ടോഷൂട്ടായിരുന്നുവെന്നും ഫോട്ടോഗ്രാഫര്‍ സോഷ്യല്‍മീഡിയയില്‍ എഴുതിയത്.വിമര്‍ശകര്‍ക്ക് ദുര്‍ഗ്ഗ തന്നെ ഇപ്പോഴിതാ മറുപടിയും നല്‍കിയിട്ടുണ്ട്. പ്രിയപ്പെട്ട ഹേറ്റേഴ്സ്, നിങ്ങളെ ഭ്രാന്ത് പിടിപ്പിക്കുന്ന ഒരുപാട് കാര്യങ്ങള്‍ ഇനിയുമുണ്ട്. ക്ഷമയോടെ കാത്തിരിക്കുക. എന്നാണ് താരം എഴുതിയത്.
