ദീപിക പദുക്കോൺ എന്നും പ്രേക്ഷകരുടെ സ്വപ്നനായികയാണ്. ബോളിവുഡിൽ മാത്രമല്ല അങ്ങ് ഹോളിവുഡിലും തന്റെ സാന്നിധ്യം അറിയിച്ച ദീപിക പാപ്പരാസികൾക്ക് പ്രിയപ്പെട്ട ഒരു സെലിബ്രിറ്റി കൂടിയാണ്. ഇപ്പോഴിതാ വെസ്റ്റ് ഇൻഡീസ് ക്രിക്കറ്റ് താരവും ഐപിഎല്ലിൽ ചെന്നൈ സൂപ്പർ കിങ്‌സിന്റെ അംഗവുമായ ഡ്വെയ്ൻ ബ്രാവോ ദീപികയെ കുറിച്ച് നടത്തിയിരിക്കുന്ന വെളിപ്പെടുത്തലാണ് സോഷ്യൽ മീഡിയ കീഴടക്കിയിരിക്കുന്നത്. സഹതാരമായ ഹർഭജനോടാണ് ബ്രാവോ ഇത് വെളിപ്പെടുത്തിയത്. ഹർഭജൻ നടത്തുന്ന ഒരു വെബ്ഷോയിലാണ് 12 വർഷം മുൻപ് ദീപികയെ കണ്ടതും അന്ന് മുതൽ ഒരു ആകർഷണം തോന്നിയതുമെല്ലാം ബ്രാവോ തുറന്നു പറഞ്ഞത്. അന്ന് തൊട്ട് ദീപികയോട് ഒരു പ്രത്യേക ഇഷ്ടമാണെന്നും ബ്രാവോ വെളിപ്പെടുത്തി. എന്തുകൊണ്ട് വെസ്റ്റ് ഇൻഡീസിൽ ഒരു ദീപികയെ കണ്ടെത്തിയില്ല എന്ന ഹർഭജന്റെ ചോദ്യത്തിന് ‘ദീപികയെ പോലെ ദീപിക മാത്രമേ ഉള്ളൂ’ എന്നായിരുന്നു ഈ ലോകോത്തര ഓൾറൗണ്ടറുടെ ഉത്തരം. ദീപികയും രൺവീറും തമ്മിലുള്ള പ്രണയം ബോളിവുഡ് ആഘോഷിക്കുന്നതിനിടയിലാണ് ഇത്തരത്തിൽ ഒരു വെളിപ്പെടുത്തൽ.
