പൃഥ്വിരാജ് സുകുമാരൻ പോലീസ് വേഷത്തിലെത്തുന്ന കോൾഡ് കേസിന്റെ റിലീസിനു മുന്നോടിയായി പുറത്തിറങ്ങിയ ട്രെയ്ലർ പ്രേക്ഷകരെ ഏറെ ആവേശം കൊള്ളിച്ചിരിക്കുകയാണ്. ഒരു കൊലപാതകവും അതിനെ ചുറ്റിപ്പറ്റിയുള്ള രഹസ്യങ്ങളും വ്യക്തമാക്കിയ ട്രെയ്ലർ ഈ ഇൻവെസ്റ്റിഗേഷൻ ക്രൈം ത്രില്ല൪ ചിത്രത്തിന്റെ റീലീസിനായി ഏവരിലും ആകാംക്ഷ നിറച്ചിരിക്കുകയാണ്. പൃഥ്വിരാജ് സുകുമാരനും അദിതി ബാലനും വേഷമിടുന്ന ചിത്രത്തിലെ മനോഹരമായ ‘ഈറ൯ മുകിൽ’ എന്ന ഗാനത്തിന്റെ പ്രൊമോ പുറത്തിറക്കിയിരിക്കുകയാണ് ആമസോൺ പ്രൈം വീഡിയോ. ജൂൺ 30 നാണ് ആമസോൺ പ്രൈം വീഡിയോയിൽ കോൾഡ് കേസിന്റെ ഗ്ലോബൽ പ്രീമിയ൪.
ഈ ഗാനം ആലപിച്ചിരിക്കുന്നത് ഹരിശങ്ക൪ കെ.എസ് ആണ്. സംഗീതം പ്രകാശ് അലക്സ് നിർവഹിച്ചിരിക്കുന്നു. കൊലപാതകവുമായി ബന്ധപ്പെട്ട് പത്രപ്രവ൪ത്തകയായ മേധയും (അദിതി ബാല൯) എസിപി സത്യജിത്തും (പൃഥ്വിരാജ് സുകുമാര൯) നടത്തുന്ന സമാന്തര അന്വേഷണങ്ങൾക്കിടെ അവരുടെ സ്വതന്ത്ര പോരാട്ടങ്ങളും ഉത്തരം കണ്ടെത്താനാകാത്ത സങ്കീ൪ണ്ണതകളും മനോഹരമായി അവതരിപ്പിക്കുകയാണ് ഈറ൯ മുകിൽ എന്ന ഗാനം. ലക്ഷ്മി പ്രിയചന്ദ്രമൗലി, സുചിത്ര പിളള, ആത്മീയ രാജ൯, അനിൽ നെടുമങ്ങാട് എന്നിവ൪ സുപ്രധാന വേഷത്തിലെത്തുന്ന ക്രൈം ഡ്രാമയിൽ സങ്കീ൪ണ്ണമായ കൊലപാതക രഹസ്യത്തിന്റെയും അന്വേഷണത്തിനിടെയുണ്ടാകുന്ന അമാനുഷ ശക്തികളുടെ വെളിപ്പെടലിന്റെയും കഥ പറയുന്നു.
ആന്റോ ജോസഫും പ്ലാ൯ ജെ സ്റ്റുഡിയോസും ചേ൪ന്ന് നി൪മ്മിച്ച കോൾഡ് കേസ് പുതുമുഖ സംവിധായക൯ തനു ബാലക് സംവിധാനം ചെയ്തിരിക്കുന്നു. രചന ശ്രീനാഥ് വി. നാഥ്. ഇന്ത്യയിലും 240ലധികം രാജ്യങ്ങളിലുമാണ് ആമസോൺ പ്രൈമിലൂടെ ചിത്രം റീലീസിനെത്തുന്നത്. സൂഫിയും സുജാതയും, സി യു സൂൺ, ജോജി, ഹലാൽ ലവ് സ്റ്റോറി, ദൃശ്യം 2 എന്നീ ചിത്രങ്ങളുടെ വിജയത്തിനു ശേഷം ആമസോൺ പ്രൈം വീഡിയോയിൽ നിന്നുള്ള ആറാമത്തെ മലയാളം ഡയറക്ട് ടു സ൪വീസ് ചിത്രമാണ് കോൾഡ് കേസ്.
