ബൈസിക്കിൾ തീവ്സ്, സൺഡേ ഹോളിഡേ എന്നീ ചിത്രങ്ങൾക്ക് ശേഷം ജിസ് ജോയ് ആസിഫ് അലി കൂട്ടുകെട്ടിൽ ഒരുങ്ങുന്ന വിജയ് സൂപ്പറും പൗർണ്ണമിയും എന്ന ചിത്രത്തിലെ മനോഹരമായ ഗാനം പുറത്തിറങ്ങി. എന്താണീ മൗനം എന്ന ഗാനം ചിട്ടപ്പെടുത്തിയിരിക്കുന്നത് പ്രിൻസ് ജോർജാണ്. ഗാനം ആലപിച്ചിരിക്കുന്നത് കാർത്തിക്കും ഷാരോൺ ജോസഫുമാണ്. ആസിഫ് അലിയുടെ നായികയായി ഐശ്വര്യലക്ഷ്മി എത്തുന്ന ചിത്രത്തിന്റെ നിർമാണം ന്യൂ സൂര്യ ഫിലിംസിന്റെ ബാനറിൽ എ കെ സുനിലാണ്. ബാലു വർഗീസ്, അജു വർഗീസ്, രഞ്ജി പണിക്കർ തുടങ്ങിയവരും ചിത്രത്തിൽ അഭിനയിക്കുന്നുണ്ട്.