എസ്തറിന്റെ പുതിയ ഫോട്ടോഷൂട്ട് ചിത്രങ്ങളാണ് ഇപ്പോള്‍ സമൂഹമാധ്യമങ്ങളുടെ ശ്രദ്ധ കവര്‍ന്ന് നടി എസ്തറിന്റെ പുതിയ ഫോട്ടോഷൂട്ട് ചിത്രങ്ങള്‍. ‘ദൃശ്യം 2’വിന്റെ പ്രമോഷനോട് അനുബന്ധിച്ച് നടത്തിയ ഫോട്ടോഷൂട്ടില്‍ നിന്നുള്ളതാണ് ചിത്രങ്ങള്‍.
എസ്തര്‍ ദൃശ്യം എന്ന സൂപ്പര്‍ഹിറ്റ് ചിത്രത്തിലെ പ്രകടനത്തിലൂടെയാണ് പ്രേക്ഷകമനസ്സില്‍ ഇടം നേടുന്നത്. വിവിധ ഭാഷകളിലേക്ക് മൊഴിമാറ്റം ചെയ്യപ്പെട്ട ദൃശ്യത്തിന്റെ തമിഴ്, തെലുങ്ക് പതിപ്പുകളിലും അഭിനയിച്ച താരം ധാരാളം പ്രശംസകള്‍ നേടി. ജോര്‍ജുകുട്ടിയുടെ അനുമോള്‍ ആകെയങ്ങ് സ്‌റ്റൈലിഷ് ആയിപ്പോയല്ലോ എന്നാണ് ചിത്രത്തിന് ആരാധകര്‍ നല്‍കുന്ന കമന്റ്. മോഹന്‍ലാലിന്റെയും മീനയുടെയും മകളായി എസ്തര്‍ അഭിനയിക്കുന്ന ‘ദൃശ്യം 2’ എന്ന ചിത്രം ആമസോണ്‍ പ്രൈമില്‍ റിലീസിനൊരുങ്ങുകയാണ്. ഫെബ്രുവരി 19നാണ് ചിത്രം ആമസോണ്‍ പ്രൈമില്‍ റിലീസ് ചെയ്യുന്നത്. ജീത്തു ജോസഫ് സംവിധാനം ചെയ്യുന്ന ചിത്രത്തില്‍ സിദ്ദിഖ്, ആശ ശരത്, മുരളി ഗോപി, അന്‍സിബ, സായികുമാര്‍ എന്നിവരും പ്രധാന വേഷങ്ങളില്‍ എത്തുന്നുണ്ട്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് ചിത്രം നിര്‍മ്മിച്ചിരിക്കുന്നത്.
മുംബൈയിലെ സെന്റ് സേവ്യേഴ്സ് കോളേജില്‍ ബിരുദ വിദ്യാര്‍ഥിനിയായ എസ്തര്‍ തന്റെ ഇന്‍സ്റ്റഗ്രാം പേജിലൂടെ പോസ്റ്റ് ചെയ്ത ചിത്രങ്ങള്‍ക്കും ഫോട്ടോഷൂട്ട് വീഡിയോക്കും നിരവധി ആളുകളാണ് കമന്റുമായെത്തിയിരുന്നത്. നിരവധി പോസിറ്റീവ് കമന്റുകള്‍ക്ക് ഒപ്പം സദാചാര വാദികളുടെ കമന്റുകളും താരം നേരിടുന്നതായി ശ്രദ്ധിക്കപ്പെടുന്നുണ്ട്. ഒരു നാള്‍ വരും, സകുടുംബം ശ്യാമള, കോക്ക് ടെയില്‍, ദ മെട്രോ, വയലിന്‍, ഡോക്ടര്‍ ലവ്, ഞാനും തുടങ്ങി നിരവധി മലയാള സിനിമകളില്‍ അഭിനയിച്ച താരം. ദൃശ്യത്തിന്റെ രണ്ടാം ഭാഗത്തിലും സുപ്രധാന വേഷത്തിലെത്തുന്നുണ്ട്.
