ഫഹദ് ഫാസിൽ-ദിലീഷ് പോത്തൻ കൂട്ടുകെട്ട് വീണ്ടും ഒന്നിക്കുന്നു ! ‘ജോജി’ അടുത്ത വർഷം പ്രേക്ഷകരിലേക്ക്

മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും എന്ന ചിത്രത്തിന് ശേഷം ഫഹദ് ഫാസിലും ദിലീഷ് പോത്തനും ഒന്നിക്കുന്നു. ജോജി എന്നാണ് ചിത്രത്തിന്റെ പേര്. വിഖ്യാത എഴുത്തുകാരൻ വില്ല്യം ഷേക്സ്പിയറുടെ മാക്ബത്തിനെ അടിസ്ഥാനമാക്കിയാണ് ജോജി ഒരുക്കുന്നത്. ശ്യാം പുഷ്കരൻ ആണ് തിരകഥ. ഷൈജു ഖാലിദ് ഛായാഗ്രഹണവും നിർവഹിക്കുന്നു. വർക്കിങ് ക്ലാസ്സ് ഹീറോയും ഫഹദ് ഫാസിൽ & ഫ്രണ്ട്സും എന്നിവരോട് ചേർന്ന് ഭാവന സ്റ്റുഡിയോസ് ആണ് ചിത്രത്തിന്റെ നിർമാണം. ചിത്രം 2021ൽ പുറത്ത് വരും.

ചിത്രത്തെ കുറിച്ച് ദിലീഷ് പോത്തന്റെ വാക്കുകൾ :

അടുത്ത സംവിധാന ശ്രമം “ജോജി ” .
വില്യം ഷേക്സ്പിയറിന്റെ വിഖ്യാത ദുരന്ത നാടകമായ മാക്ബെത്തിൽ നിന്നും പ്രചോദനം ഉൾക്കൊണ്ടാണു തിരക്കഥ ഒരുക്കിയിരിക്കുന്നത്. മുൻ ചിത്രങ്ങൾക്‌ നിങ്ങൾ നൽകിയ പ്രൊത്സാഹനം നന്ദിയൊടെ ഓർക്കുന്നു. അപ്പൊ , അടുത്ത വർഷം ജോജിയുമായി വരാം .