മലയാളത്തിന്‍റെ അഭിമാനവും താരചക്രവര്‍ത്തിയുമായ മെഗാസ്റ്റാര്‍ മമ്മൂട്ടി തന്റെ അറുപത്തി ഒമ്പതാം പിറന്നാള്‍ നിറവിലൽ എത്തിയിരിക്കുകയാണ് ഇപ്പോൾ. ഇന്ത്യൻ സിനിമയിലെ അതുല്യപ്രതിഭാസമായി ഈ മഹാനടന് അരനൂറ്റാണ്ടോളമായി നമ്മെ വിസ്മയിപ്പിക്കുന്നു. താരത്തിന്റെ പിറന്നാൾ എല്ലാ വർഷവും വലിയ ആഘോഷമാക്കി മാറ്റാറുള്ള ആരാധകർ ഇത്തവണയും അതിന് കുറവൊന്നും വരുത്തിയിട്ടില്ല. എല്ലാവർഷവും പതിവുള്ള പോലെ അർധരാത്രി മമ്മൂക്കയുടെ വീടിന് മുന്നിൽ താരരാജാവിനെ ഒരു നോക്ക് നേരിട്ട് കണ്ട് ആശംസകൾ അറിയിക്കാൻ എത്തിയവരുടെ ഒരു വലിയ നിര തന്നെ ഉണ്ടായിരുന്നു. കോവിഡിന്റെ പശ്ചാത്തലത്തിൽ പോലും തങ്ങളുടെ പ്രിയ താരത്തെ നേരിൽ കാണാൻ നിരവധി പേരാണ് അവിടെ എത്തിയത്. വലിയ ജനക്കൂട്ടം എത്തിയെങ്കിലും ഏവരും സാമൂഹ്യ അകലം പാലിച്ച് തന്നെയായിരുന്നു നിന്നിരുന്നത്.
ഒടുവിൽ കാത്തിരിപ്പുകൾക്ക് വിരാമം ഇട്ടുകൊണ്ട് മമ്മൂക്ക തന്റെ വീടിന്റെ കാർപോർച്ചിൽ എത്തി. ഇത്രയും കഷ്ടപ്പെട്ട് അവിടെ എത്തിയ അവരുടെ ആശംസകൾ ഏറ്റുവാങ്ങി , വന്നവരോട് സൂക്ഷിക്കാനും വീട്ടിലേക്ക് മടങ്ങാനും ഉപദേശിച്ചാണ് അദ്ദേഹം പോയത്. അച്ചൂട്ടിയായും ചന്തുവായും അംബേദ്ക്കറായും പൊന്തന്മാപടയായും പഴശ്ശിരാജയായും അങ്ങനെ അങ്ങനെ അനേകം വേഷപകര്ച്ചികളിലൂടെ മലയാളിക്കെന്നല്ല ലോകത്തിന് തന്നെ അത്ഭുതമായി ഈ നടനവിസ്മയത്തിന് ഒരിക്കൽ കൂടി പിറന്നാൾ ആശംസകൾ നേരുന്നു
