രുചിയുടെ വൈവിധ്യമാര്‍ന്ന കാഴ്ചകളുമായി പ്രേക്ഷകരെ പിടിച്ചിരുത്തുന്ന ആളാണ് ഫുഡ് വ്‌ളോഗര്‍ ഫിറോസ് ചുട്ടിപ്പാറ. ഇപ്പോഴിതാ ഒരു പോത്തിനെ മുഴുവനായി റോസ്റ്റ് ചെയ്‌തെടുക്കുന്ന ഫിറോസിന്റെ വിഡിയോയാണ് വൈറലായിരിക്കുന്നത്. ആറ് മണിക്കൂറാണ് പോത്തിനെ റോസ്റ്റ് ചെയ്‌തെടുത്തത്. ഏകദേശം ഒരാഴ്ച വേണ്ടിവന്നു ഇതിന്റെ ഒരുക്കങ്ങള്‍ പൂര്‍ത്തിയാക്കാന്‍.
ഒരു മുഴുവന്‍ പോത്തിനെ ക്ലീന്‍ ചെയ്ത ശേഷം ആറര അടി താഴ്ചയിലുള്ള കുഴി തയ്യാറാക്കുന്നതും റോസ്റ്റ് ചെയ്യുന്നതുമാണ് വിഡിയോയില്‍. കുഴിക്ക് മണ്ണെടുത്ത ശേഷം സിമന്റ് കെട്ടുന്നതെല്ലാം വിഡിയോയില്‍ കാണാം. കുഴി തയ്യാറാക്കിയ ശേഷം വിറക് അടുക്കി തീ കൊളുത്തി കനല്‍ തയ്യാറാക്കുന്നതാണ് അടുത്ത പരിപാടി. അതിലേക്ക് വലിയ രണ്ട് ചെമ്പില്‍ തിളച്ച വെള്ളം ഇറക്കി വയ്ക്കും. അതിന് മുകളില്‍ കമ്പി വല വിരിച്ച് മസാല പുരട്ടിയ പോത്തിനെ ഇറക്കിവയ്ക്കുന്നതാണ് അടുത്ത പരിപാടി. ചാക്ക് വിരിച്ച ശേഷം സിമന്റ് സ്ലാബ് ഇട്ട് മൂടണം. ആറ് മണിക്കൂര്‍ വായു പുറത്തുപോകാതെ വേവിക്കുന്നതോടെ പോത്ത് തയ്യാര്‍.
വിഡിയോ കാണാം.
