ഭാഷയുടെ അതിർവരമ്പുകൾ ഭേദിച്ച് അർജുൻ റെഡ്‌ഡി എന്ന തെലുങ്ക് ചിത്രം നേടിയെടുത്ത വിജയം വിജയ് ദേവരകൊണ്ടേ എന്ന യുവതാരത്തിന് നേടിക്കൊടുത്ത ഫാൻസിന്റെ എണ്ണം ചെറുതൊന്നുമല്ല. തെലുങ്കിലെ അടുത്ത സൂപ്പർസ്റ്റാർ എന്ന് വിശേഷിപ്പിക്കപ്പെടുന്ന വിജയ് നായകനായ ഗീതാ ഗോവിന്ദം നാളെ സ്വാതന്ത്ര്യ ദിനത്തിൽ വേൾഡ് വൈഡ് റിലീസിനെത്തുകയാണ്. കേരളത്തിലും ചിത്രത്തിന്റെ തെലുങ്ക് വേർഷൻ തന്നെയാണ് റിലീസിനെത്തുന്നത്. കേരളത്തിൽ ഒരു തെലുങ്ക് ചിത്രത്തിന് [തെലുങ്ക് വേർഷൻ] ലഭിക്കുന്ന ഏറ്റവും വലിയ റിലീസാണ് ചിത്രത്തിന്റേത്.
സംവിധായകൻ ബി ഉണ്ണികൃഷ്ണന്റെ ഉടമസ്ഥതയിലുള്ള RD ഇല്ല്യൂമിനേഷൻസാണ് ചിത്രം കേരളത്തിലെ തീയറ്ററുകളിൽ എത്തിക്കുന്നത്. മലയാളികളുടെ പ്രിയ സംഗീത സംവിധായകൻ ഗോപി സുന്ദറാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ‘ഇങ്കേം ഇങ്കേം കാതലേ’ എന്ന ഒറ്റ ഗാനം കൊണ്ട് മലയാളികളുടെയും മനസ്സിൽ ഇടം നേടിയെടുത്തിട്ടുണ്ട് ചിത്രം. റൊമാന്റിക് കോമഡി ഗണത്തിൽ പെടുന്ന ഗീത ഗോവിന്ദത്തിൽ റാഷ്മിക മന്ദനയാണ് നായിക. പരശുറാമാണ് സംവിധാനം.
ചിത്രം റിലീസിനെത്തുന്ന തീയറ്ററുകളുടെ ലിസ്റ്റ് ചുവടെ ചേർക്കുന്നു. അല്ലു അർജുന്റെ അല്ലാതെയുള്ള തെലുങ്ക് ചിത്രങ്ങളിൽ തിരുവനന്തപുരത്ത് മൂന്ന് തീയറ്ററുകളിൽ പ്രദർശനത്തിനെത്തുന്ന ആദ്യ ചിത്രം കൂടിയാണ് ഗീതാ ഗോവിന്ദം. കഴിഞ്ഞ ദിവസം ചിത്രത്തിന്റെ കോപ്പി ഓൺലൈനിൽ ലീക്ക് ആയെങ്കിലും ആന്റി പൈറസി വിഭാഗം അത് പരിഹരിക്കുകയും ചെയ്‌തിരുന്നു. ഓൺലൈൻ ബുക്കിംഗ് പോർട്ടലുകളിൽ വളരെ നല്ല രീതിയിൽ തന്നെയുള്ള ബുക്കിങ്ങാണ് ചിത്രത്തിന് ലഭിച്ചു കൊണ്ടിരിക്കുന്നത്.
- Carnival MOT, Thiruvanthapuram
- Carnival Cinemas, Green Field,Tvm
- Carnival Cinemas, RP Mall, Kollam
- Carnival Cinemas, Karunagapally
- Aries Plex SL Cinemas, Thirvanthapuram
- New Theatre, Thiruvanthapuram
- PVR Lulu Mall, Cochin
