ഓർത്തിരിക്കാൻ ഏറെ മനോഹരചിത്രങ്ങൾ മലയാളികൾക്ക് സമ്മാനിച്ചിട്ടുള്ള മോഹൻലാൽ – പ്രിയദർശൻ കൂട്ടുകെട്ടിൽ ഒരുങ്ങുന്ന മരക്കാർ – അറബിക്കടലിന്റെ സിംഹം ചിത്രീകരണം ഡിസംബർ ഒന്നിന് തുടങ്ങുന്നു. നൂറു കോടിയോളം ചിലവിട്ട് ഒരുക്കുന്ന ചിത്രത്തിന്റെ ലൊക്കേഷൻ ഹൈദരാബാദിലെ റാമോജി ഫിലിം സിറ്റിയാണ്. ചിത്രത്തിന് വേണ്ടി മൂന്ന് പടുകൂറ്റൻ കപ്പലുകളുടെ നിർമാണം അവിടെ നടന്നു കൊണ്ടിരിക്കുകയാണ്. ഡിസംബർ 12ന് മോഹൻലാൽ മരക്കാർ ടീമിനൊപ്പം ചേരും. ആശിർവാദ് സിനിമാസും കോൺഫിഡന്റ് ഗ്രൂപ്പും മൂൺഷോട്ട് എന്റർടൈൻമെന്റും സംയുക്തമായി നിർമിക്കുന്ന ചിത്രത്തിൽ പ്രണവ് മോഹൻലാൽ, മധു, പ്രഭു, അർജുൻ, സുനിൽ ഷെട്ടി, മഞ്ജു വാര്യർ, കീർത്തി സുരേഷ്, കല്യാണി പ്രിയദർശൻ, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കർ, ഹരീഷ് പേരാടി എന്നിവരും ഉണ്ടാകും.
