നവാഗതനായ ഡോക്ടര്‍ മനു കൃഷ്ണയുടെ സംവിധാനത്തില്‍ റിലീസിനു ഒരുങ്ങുന്ന ഏറ്റവും പുതിയ ചിത്രം ഗിലയിലെ ‘നിറയുന്നു.. എന്ന വീഡിയോ ഗാനം പുറത്തിറങ്ങി. നടി മഞ്ജു വാര്യരാണ് തന്റെ ഇന്‍സ്റ്റഗ്രാം പേജിലൂടെ ഗാനം റിലീസ് ചെയ്തത്. ബിനി പ്രേമ് രാജ് എഴുതിയ വരികള്‍ക്ക് ഗിലയുടെ സംവിധായകനായ മനു കൃഷ്ണ തന്നെയാണ് സംഗീതം ഒരുക്കിയിരിക്കുന്നത്. ദിവ്യ എസ് മേനോന്‍ പാടിയ ‘നിറയുന്നു’ എന്ന ഗാനത്തിന് അശ്വിന്‍ കുമാര്‍ മിക്‌സിങ്ങും, ഫ്രാന്‍സിസ് സേവിയറും സനുവും ചേര്‍ന്ന് വയലിനും, ഗിത്താറും നിര്‍വ്വഹിച്ചിരിക്കുന്നു.
ഇന്ദ്രന്‍സ് ബോഡിബില്‍ഡറായി എത്തുന്ന ‘ഗില’ എന്ന സിനിമയിലെ മറ്റു താരങ്ങള്‍ കൈലാഷ്, അനഘ മരിയ വര്‍ഗീസ്,ശ്രിയ ശ്രീ,റിനാസ്,ബീന സുശാന്ത്, സുഭാഷ്,ഗഫൂര്‍ എന്നിവരാണ്. ചിത്രത്തിന്റെ സംവിധാനവും നിര്‍മാണവും രചനയുമെല്ലാം മനുകൃഷ്ണ തന്നെയാണ്. ശ്രീകാന്ത് ഈശ്വര്‍ ആണ് ഛായാഗ്രഹണം. എഡിറ്റിംഗ് ചെയ്തിരിക്കുന്നത് ഷമീര്‍ മുഹമ്മദാണ.് ചിത്രത്തിലെ ആദ്യഗാനം നേരത്തേ പുറത്തിറങ്ങിയിരുന്നു. പീരുമേട്, മണിമല, ദുബായ് എന്നിവയായിരുന്നു ചിത്രത്തിന്റെ ലൊക്കേഷന്‍.
