മമ്മൂട്ടി, മോഹൻലാൽ, സുരേഷ് ഗോപി എന്നിവരുടെ ചിത്രങ്ങളെല്ലാം എന്നും ആരാധകർക്ക് ഒരു ആവേശമാണ്. സൂപ്പർതാരങ്ങളുടെ ചിത്രങ്ങൾ പ്രഖ്യാപിക്കുന്ന വേളയിൽ തന്നെ അതിന്റെ റിലീസിനായുള്ള കാത്തിരിപ്പിലാണ് ആരാധകർ. മമ്മൂട്ടി, മോഹൻലാൽ, സുരേഷ് ഗോപി തുടങ്ങിയ വൻ താരനിര അണിനിരന്ന ട്വന്റി 20 എന്ന ചിത്രത്തിന് മികച്ച വരവേൽപ്പാണ് മലയാളികൾ നൽകിയത്. ഈ ചിത്രത്തിന് ശേഷം വീണ്ടും ഈ സൂപ്പർതാരങ്ങൾ ഒന്നിക്കുന്നു എന്ന സൂചന നൽകുന്ന ഗുഡ്വില്‍ എന്റര്‍ടെയ്ന്‍മെന്റ്‌സിന്റെ പോസ്റ്റ് സോഷ്യല്‍ മീഡിയയില്‍ വൈറലായി മാറിയിരുന്നു. ഒന്നായി വരണോ,മൂന്ന് ആയി വരണോ?? എന്തായാലും വരും. ബാക്കി വിവരങ്ങള്‍ ഇനി ഒരു വെളളിക്ക് മുന്‍പ് എന്ന് ഗുഡ്വില്‍ എന്റര്‍ടെയ്ന്‍മെന്റ്‌സ് തങ്ങളുടെ ഫേസ്ബുക്ക് പേജില്‍ കുറിച്ചുകൊണ്ട് ഈ സൂപ്പർതാരങ്ങളുടെ ചിത്രവും പങ്കുവെച്ചു.
മമ്മൂട്ടി മോഹൻലാൽ എന്നീ താരങ്ങളുടെ കൂടെ സുരേഷ് ഗോപിയുടെ തിരിച്ചുവരവിനായി ആരാധകർ കാത്തിരിക്കുകയായിരുന്നു. ട്വന്റി 20 എന്ന ചിത്രത്തിന് ശേഷം നീണ്ട ഒരു ഇടവേള കഴിഞ്ഞാണ് ഇത്തരമൊരു പ്രഖ്യാപനം ഉണ്ടാകുന്നത്. മമ്മൂട്ടി നായകനായ ഷൈലോക്ക് എന്ന ചിത്രമാണ് ഗുഡ്വിൽ എന്റർടെയ്ൻമെന്റ്സിന്റെ ബാനറിൽ അണിയറയിൽ ഒരുങ്ങുന്നത്. ചിത്രം ക്രിസ്മസ് റിലീസായി തീയേറ്ററുകളിലെത്തും.
