നടൻ അവതാരകൻ എന്ന നിലകളിൽ തിളങ്ങുന്ന ഒരു താരമാണ് ഗോവിന്ദ് പത്മസൂര്യ. ഈ ലോക്ക് ഡൗൺ കാലത്ത് അദ്ദേഹം തന്റെ സ്വന്തം നാടായ പട്ടാമ്പിയിൽ ആണ് ഉള്ളത്. വെറുതെ ഇരിക്കുന്ന സമയത്ത് അമ്മയെ സഹായിക്കുന്ന ചിത്രങ്ങളും വീഡിയോകളും എല്ലാം സോഷ്യൽ മീഡിയയിലൂടെ താരം പുറത്തുവിട്ടിരുന്നു. താരം കഴിഞ്ഞദിവസം സോഷ്യൽ മീഡിയയിലൂടെ പുറത്തുവിട്ട ഒരു ചിത്രമാണ് ഇപ്പോൾ വൈറലാകുന്നത്.
ഒറ്റനോട്ടത്തിൽ ആടുജീവിതത്തിലെ പൃഥ്വി എന്ന് തോന്നിപ്പിക്കുന്ന തരത്തിലുള്ള ജി പി യുടെ പുതിയ ലുക്ക് ആണ് പുറത്തുവിട്ടിരിക്കുന്നത്. ലോക്ഡൗൺ ഇഫക്റ്റ് എന്നാണ് തന്റെ പുതിയ ലുക്കിനെ ജിപി വിശേഷിപ്പിക്കുന്നത്. 65 ദിവസത്തെ ലോക്ക് ഡൗൺ കാലത്തിനു ശേഷം താടിയും മുടിയും വളർത്തി പുത്തൻ ലുക്കിലാണ് അദ്ദേഹം എത്തുന്നത്.
പൃഥ്വിരാജ് ആണെന്നാണ് ഞാനോർത്തത്, എന്ന് നടി പേളി മാണി കമന്റ് ചെയ്യുമ്പോൾ ലുക്കു കൊണ്ട് എന്തിനാ, മാസ്ക് വച്ചാ തീർന്നില്ലേ? എന്നാണ് അവതാരക അശ്വതി ശ്രീകാന്തിന്റെ കമന്റ്. വന്ന് വന്ന് പൃഥ്വിരാജ് ആരാന്ന് അറിയാത്ത അവസ്ഥ ആയി എന്നാണ് മറ്റൊരു ആരാധകന്റെ കമന്റ്.
