കഴിഞ്ഞദിവസം നടൻ സിദ്ദിഖ് തമിഴ് സിനിമയിലെ സൂപ്പർ താരം ദളപതി വിജയ്നെക്കുറിച്ച് കുറിച്ച് പറഞ്ഞ പരാമർശം സോഷ്യൽ മീഡിയയിൽ ഏറെ ചർച്ചയായിരുന്നു .വിജയ് ഒരു സൂപ്പർതാരം ആണെന്നും ഒരിക്കലും ഒരു സൂപ്പർ ആക്ടർ അല്ലെന്നും സിദ്ദിഖ് അഭിപ്രായപ്പെടുകയുണ്ടായി. ഇതിനെ അനുകൂലിച്ചും പ്രതികൂലിച്ചും ധാരാളം സംവാദങ്ങൾ സോഷ്യൽ മീഡിയയിൽ നടന്നു.ഈ വിഷയത്തിൽ പ്രതികരണവുമായി മലയാളി നടൻ ഹരീഷ് പേരടി രംഗത്തെത്തിയിരിക്കുകയാണ്. നിരവധി തമിഴ് സിനിമകളിലും മലയാളസിനിമകളും ഭാഗമായ താരമാണ് ഹരീഷ് പേരടി. വിജയ് നായകനായ മെർസലിൽ ഒരു പ്രധാന വില്ലനായി അഭിനയിച്ച വ്യക്തി കൂടിയാണ് ഹരീഷ് പേരടി.
അദ്ദേഹത്തിന്റെ ഫേസ്ബുക്ക് പോസ്റ്റ് ചുവടെ :
ഒരുപാട് കാലം കപ്പയും ചോറും മാത്രം കഴിച്ച് ശീലിച്ചവർ ഇഡിലീയും സാമ്പാറും, ബിരിയാണിയും ഒക്കെ സുപ്പർ ഭക്ഷണങ്ങളാണ് പക്ഷെ നല്ല ഭക്ഷണങ്ങളല്ലാ എന്ന് പറയുന്നത് ഭക്ഷണങ്ങളുടെ പ്രശനമല്ലാ.. അവനവന്റെ ആസ്വാദനവുമായി ബന്ധപ്പെട്ട വിഷയങ്ങളാണ്… സ്വന്തം അനുഭവത്തിൽ പറയട്ടെ ഈ മനുഷ്യൻ… സൂപ്പർ നടനുമാണ്, സൂപ്പർ താരവുമാണ്, സഹജീവികളോട് കരുണയുള്ള ജീവിക്കുന്ന കാലത്തോട് കൃത്യമായ നിലപാടുള്ള സൂപ്പർ മനുഷ്യനുമാണ് …
