അല്ലു അർജുൻ നായകനാകുന്ന അടുത്തചിത്രത്തിൽ വില്ലൻ വേഷത്തിൽ എത്താൻ ഒരുങ്ങുകയാണ് വിജയ് സേതുപതി. സുകുമാർ ആണ് ചിത്രം സംവിധാനം ചെയ്യുന്നത്. ചിത്രത്തില്‍ അഭിനയിക്കാനായി 1.5 കോടിയാണ് പ്രതിഫലത്തുകയായ് സേതുപതി ആവശ്യപ്പെട്ടിരിക്കുന്നതെന്നാണ് പുതിയ റിപ്പോര്‍ട്ടുകള്‍. താരം ആവശ്യപ്പെട്ട തുക തന്നെ നൽകാൻ നിർമ്മാതാക്കൾ തീരുമാനിച്ചതായും റിപ്പോർട്ടുകൾ പുറത്തുവരുന്നുണ്ട്.
രയലസീമ, നെല്ലോര്‍ എന്നീ പ്രദേശങ്ങളിലെ മണല്‍ മാഫിയയെ ആധാരമാക്കി എത്തുന്ന ചിത്രത്തിൽ നടി രശ്മിക മന്ദാനയാണ് നായികയായി എത്തുന്നത്. ചിത്രം നിർമ്മിക്കുന്നത് മൈത്രി മൂവീസും മുട്ടംസെട്ടി മീഡിയയും ചേര്‍ന്നാണ്. രജനികാന്ത് ചിത്രമായ ‘പേട്ട’യിലും വില്ലൻ വേഷത്തിൽ താരം എത്തിയിരുന്നു . ‘സെയ് റാ നരംസിംഹ റെഡ്ഡി’ ആണ് താരത്തിന്റെ റിലീസായ ഒടുവിലത്തെ ചിത്രം.
ലോകേഷ് കനകരാജ് ഒരുക്കുന്ന വിജയ് ചിത്രത്തിലും വിജയ് സേതുപതി എത്തുന്നുണ്ട്.
തമിഴ് സിനിമയിൽ ഏറ്റവും കൗതുകമേറുന്ന ഒരു കോമ്പിനേഷനാണ് വിജയ്-വിജയ് സേതുപതി കൂട്ടുകെട്ട്. ഇനി അത് ബിഗ്സ്ക്രീനിൽ കാണുവാൻ സാധിക്കും എന്ന ആഹ്ലാദത്തിലാണ് പ്രേക്ഷകർ. വിജയ്ക്കൊപ്പം വിജയസേതുപതി എത്തുകയാണ് പുതിയ ചിത്രത്തിലൂടെ. മാനഗരം, കൈത്തി എന്നീ ചിത്രങ്ങള്‍ക്ക് ശേഷം ലോകേഷ് സംവിധാനം ചെയ്യുന്ന വിജയുടെ അറുപത്തിനാലാമത് ചിത്രത്തിലാണ് ഈ കോമ്പിനേഷൻ
