ആദ്യചിത്രമായ നായകൻ മുതൽ അവസാന ചിത്രമായ ഈ മ യൗ വരെ തനതായ ശൈലി പിന്തുടർന്ന സംവിധായകനാണ് ലിജോ ജോസ് പല്ലിശ്ശേരി.അദ്ദേഹത്തെ തേടി നിരവധി രാജ്യാന്തര അന്തർ ദേശീയ അവാർഡുകളും ലഭിക്കുകയുണ്ടായി.അദ്ദേഹത്തിന്റെ ഏറ്റവും പുതിയ ചിത്രമായ ജെല്ലിക്കെട്ട് ഉടൻ റിലീസിന് തയ്യാറെടുക്കുകയാണ്. ലിജോ ജോസ് പല്ലിശ്ശേരിയുടെ നിരവധി ചിത്രങ്ങളിൽ ഭാഗമായ താരമാണ് ഇന്ദ്രജിത്ത് സുകുമാരൻ.
നായകൻ, സിറ്റി ഓഫ് ഗോഡ്, ആമേൻ, ഡബിൾ ബാരൽ എന്ന ചിത്രങ്ങളിൽ നായക വേഷത്തിൽ ഇന്ദ്രജിത്ത് എത്തിയിരുന്നു.ഇന്ദ്രജിത്തിന് ലിജോയുടെ ഏറ്റവും പുതിയ ചിത്രമായ ജെല്ലികെട്ട് കാണുവാനുള്ള ഭാഗ്യം ലഭിക്കുകയുണ്ടായി. ഒരു സ്വകാര്യ അഭിമുഖത്തിൽ ചിത്രത്തെക്കുറിച്ച് വ്യക്തമാക്കുകയുണ്ടായി ഇന്ദ്രജിത്ത്. ചിത്രം അതിഗംഭീരം ആണെന്നും ഇതുവരെ റിലീസാകാത്ത ചിത്രം കാണുവാൻ എനിക്ക് ഭാഗ്യം ലഭിച്ചുവെന്നും ഇന്ദ്രജിത്ത് പറഞ്ഞു. ഒരു ഗംഭീര ചിത്രമാണ് ജിജോ ഇത്തവണ ഒരുക്കിയിരിക്കുന്നത് എന്നും ലിജോയുടെ ഇതുവരെയുള്ള എല്ലാ ചിത്രത്തിനെക്കാളും ഒരുപടി മുകളിലാണ് ജെല്ലികെട്ടിന്റെ സ്ഥാനം എന്നും ഇന്ദ്രജിത്ത് പറഞ്ഞു. ഷൂട്ടിംഗ് പൂർത്തിയാക്കിയ ചിത്രം അടുത്ത മാസം റിലീസിന് എത്തും എന്നാണ് കരുതപ്പെടുന്നത് . ഇപ്പോൾ നിരവധി ചലച്ചിത്രമേളകൾക്ക് ഉള്ള തയ്യാറെടുപ്പിലാണ് അണിയറപ്രവർത്തകർ.
