ജൂൺ എന്ന് സൂപ്പർഹിറ്റ് സിനിമയ്ക്ക് ശേഷം അഹമ്മദ് കബീർ സംവിധാനം ചെയ്യുന്ന ചിത്രം ‘മധുരം’ ഒടിടി റിലീസിന്. സോണി ലിവിലാണ് ചിത്രം റിലീസ് ചെയ്യുന്നത്. ജോജു ജോർജ് നായകനായി എത്തുന്ന ചിത്രം ഒരു പ്രണയകഥയാണ് പറയുന്നത്. ജോജു ജോർജ്, അർജുൻ അശോകൻ, നിഖില വിമൽ, ശ്രുതി രാമചന്ദ്രൻ, ഇന്ദ്രൻസ് എന്നിവരാണ് ചിത്രത്തിലെ പ്രധാന അഭിനേതാക്കൾ.
അപ്പു പാത്തു പപ്പു പ്രൊഡക്ഷൻസിന്റെ ബാനറിൽ ജോജു ജോർജും സിജോ വടക്കനും ചേർന്നാണ് ഈ ചിത്രം നിർമ്മിക്കുന്നത്. ജോസഫ്, പൊറിഞ്ചു മറിയം ജോസ്, ചോല എന്നീ ചിത്രങ്ങൾക്ക് ശേഷം അപ്പു പാത്തു പപ്പു പ്രൊഡക്ഷൻസ് നിർമിക്കുന്ന ചിത്രം കൂടിയാണ് ഇത്. പ്രധാന അഭിനേതാക്കളെ കൂടാതെ നൂറോളം മറ്റു താരങ്ങളും ചിത്രത്തിൽ അഭിനയിക്കുന്നു.
ഛായാഗ്രഹണം – ജിതിൻ സ്റ്റാനിസ്‌ലാസ് ആണ്. ആഷിക് ഐമർ, ഫാഹിം സഫർ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. വിനായക് ശശികുമാറിന്റെ വരികൾക്ക് ഹിഷാം അബ്‌ദുൾ വഹാബ് ആണ് സംഗീതം നൽകിയിരിക്കുന്നത്. ബാദുഷ, സുരാജ് എന്നിവരാണ് സഹനിർമാതാക്കൾ. എഡിറ്റിങ് – മഹേഷ്‌ ബുവനെന്തു, ആർട്ട് ഡയറക്ടർ – ദിലീപ് നാഥ്‌, കോസ്റ്റ്യൂം ഡിസൈനെർ – സമീറ സനീഷ്, മേക്കപ്പ് – റോണെക്സ് സേവ്യർ, സൗണ്ട് ഡിസൈനെർ – ധനുഷ് നായനാർ, സൗണ്ട് മിക്സ് – വിഷ്ണു സുജാതൻ, പ്രൊഡക്ഷൻ കൺഡ്രോളർ – സനൂപ് ചങ്ങനാശ്ശേരി, ചീഫ് അസോസിയേറ്റ് ഡയറക്ടർ – അതുൽ എസ് ദേവ്, സ്റ്റിൽസ് – രോഹിത്ത് കെ സുരേഷ്, ഡിസൈൻ – എസ്ത്തെറ്റിക്ക് കുഞ്ഞമ്മ. പി ആർ ഒ -മഞ്ജു ഗോപിനാഥ്.
