അപ്പു പാത്തു പപ്പു പ്രൊഡക്ഷന്റെ ബാനറിൽ ജോജു ജോർജു, സിജോ വടക്കൻ എന്നിവർ ചേർന്ന് ജോസഫ്, പൊറിഞ്ചു മറിയം ജോസ്, ചോല എന്നീ സൂപ്പർ ഹിറ്റ് ചിത്രങ്ങൾക്ക് ശേഷം നിർമ്മിക്കുന്ന പുതിയ ചിത്രമായ മധുരത്തിന്റെ ഷൂട്ടിങ് കോലഞ്ചേരിയിലും പരിസരപ്രദേശങ്ങളിലുമായി ആരംഭിച്ചു. ജോജു ജോർജ്, അർജുൻ അശോകൻ, നിഖില വിമൽ, ഇന്ദ്രൻസ്, ശ്രുതി രാമചന്ദ്രൻ എന്നിവരോടൊപ്പം നൂറോളം മറ്റ് താരങ്ങളും അണിനിരക്കുന്നു. ഒരു പ്രണയ കഥയാണ് മധുരം പറയുന്നത്. കോട്ടയവും ഫോർട്ട്‌ കൊച്ചിയുമാണ് മറ്റ് ലൊക്കേഷനുകൾ.
ജൂൺ എന്ന സൂപ്പർഹിറ്റ് സിനിമയ്ക്ക് ശേഷം അഹമ്മദ് കബീർ കഥ എഴുതി സംവിധാനം ചെയ്യുന്ന ചിത്രത്തിന് ക്യാമറ ചലിപ്പിക്കുന്നത് ജിതിൻ സ്റ്റാനിസ്‌ലാസാണ്. ആഷിക് അമീർ, ഫാഹിം സഫർ എന്നിവർ ചേർന്നാണ് തിരക്കഥ എഴുതിയിരിക്കുന്നത്. വിനായക് ശശികുമാറിന്റെ വരികൾക്ക് ഹിഷാം അബ്‌ദുൾ വഹാബ് ആണ് സംഗീതം നൽകിയിരിക്കുന്നത്.
ബാദുഷാ, സുരാജ് എന്നിവർ നിർമാണത്തിൽ സഹകാരികളാകുന്നു. എഡിറ്റിംങ് – മഹേഷ്‌ ബുവനെന്തു, ആർട്ട് – ദിലീപ് നാഥ്‌, കോസ്റ്റും ഡിസൈനെർ – സമീറ സനീഷ്, മേക്കപ്പ് – റോണെക്സ് സേവിയർ, സൗണ്ട് ഡിസൈനെർ – ധനുഷ് നായനാർ, സൗണ്ട് മിക്സ് – വിഷ്ണു സുജാതൻ, പ്രൊഡക്ഷൻ കൺഡ്രോളർ – സനൂപ് ചങ്ങനാശ്ശേരി, ചീഫ് അസോസിയേറ്റ് ഡയറക്ടർ – അതുൽ എസ് ദേവ്, സ്റ്റിൽ – രോഹിത്ത് കെ സുരേഷ്, ഡിസൈൻ – എസ്ത്തെറ്റിക്ക് കുഞ്ഞമ്മ.
