ജോജു ജോർജ് നായകനായ ജോസഫിലൂടെ പ്രേക്ഷകരുടെ പ്രിയങ്കരിയായി മാറിയ മാധുരിയുടെ കഴിഞ്ഞ ദിവസം തായ്‌ലൻഡിലെ ഫുക്കറ്റിലേക്ക് നടത്തിയ വിനോദയാത്രയുടെ നിരവധി ചിത്രങ്ങളാണ് ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത്. ചിത്രം പങ്കുവച്ച് നിമിഷങ്ങൾക്കകം നിരവധി അശ്ലീലച്ചുവയുള്ള കമന്റുകളും പ്രതികരണങ്ങളും എത്തിത്തുടങ്ങി. നടിയെ സമൂഹമാധ്യമത്തിൽ ഫോളോ ചെയ്യാൻ ആഗ്രഹിക്കുന്നവരുടെ എണ്ണവും ക്രമാതീതമായി വർധിച്ചു. എല്ലാം അതിര് വിട്ടതോടെ നടി തന്നെ മുന്നോട്ട് വന്നു. ‘ബാത്തിങ് സ്യൂട്ടിൽ നിൽക്കുന്ന ഒരു അവധിക്കാലചിത്രം പങ്കു വച്ചാൽ ഇതാണോ അവസ്ഥ..? വെറുതെ മലയാളികൾക്ക് നാണക്കേടുണ്ടാക്കരുത്.’ എന്ന് ചോദിച്ച് ഇൻസ്റ്റാഗ്രാമിൽ സ്റ്റോറി ഇട്ട നടി ബിക്കിനി ചിത്രം ഉടൻ ഡിലീറ്റ് ചെയ്യുകയും ചെയ്‌തു.
