സംവിധാനം ചെയ്ത ചിത്രങ്ങൾ ഹിറ്റ് ചാർട്ടിൽ ഇടം നേടി കൊടുത്ത സംവിധായകനാണ് ജൂഡ് ആന്റണി ജോസഫ്. ഇപ്പോൾ ജൂഡ് ആന്റണി നിർമാതാവാകാൻ ഒരുങ്ങുന്നു എന്നതാണ് ഏറ്റവും പുതിയ വാർത്ത.നിധീഷ് സഹദേവ് കഥയെഴുതി സംവിധാനം ചെയ്യുന്ന പുതിയ ചിത്രമാണ് ജൂഡ് നിർമിക്കുന്നത്.അങ്കമാലി ഡയറീസ് ഫെയിം ആൻറണി വർഗീസ് ആണ് നായകൻ.ഫേസ്ബുക് പോസ്റ്റ് വഴിയാണ് താൻ നിർമാതാവാകാൻ പോകുന്ന വിവരം ജൂഡ് അറിയിച്ചത്.
ജൂഡിന്റെ ഫെയ്സ്ബുക്ക് കുറിപ്പ്
സിനിമ, ഞാൻ സ്വപ്നം കണ്ട എന്റെ സിനിമ…സ്വപ്നങ്ങളിൽ കണ്ടിട്ടുണ്ട് എന്നെ ഒരു നടനായി.. സംവിധായകനായി..പക്ഷേ ഒരിക്കൽ പോലും ..സ്വപ്നത്തിൽ പോലും ഞാൻ കാണാത്ത ഒരു ഐറ്റം നടക്കാൻ പോകുന്നു. ഞാൻ ഒരു സിനിമ നിർമിക്കുന്നു. Yes I am producing a film.
എന്റെ പടത്തിൽ എന്നെ സഹായിച്ച നിധീഷ് ആണ് എഴുത്തും സംവിധാനവും. (അവനെ ഒന്ന് നോക്കി വച്ചോ.. :))
കൂടെ അനുഗ്രഹ കഴിവുകൾ ഉള്ള ഒരു കൂട്ടം ചെറുപ്പക്കാരും. അഭിമാനത്തോടെ അവരെ അവതരിപ്പിക്കാനുള്ള ഭാഗ്യവും എനിക്ക് കിട്ടും. അരവിന്ദ് കുറുപ്പ് എന്ന എന്റെ സഹോദര തുല്യനായ മനുഷ്യനാണ് എന്റെ ബലം. എന്റെ കോ പ്രൊഡ്യൂസർ. പ്രവീൺ ചേട്ടൻ ആണ് എക്സിക്യൂട്ടീവ് പ്രൊഡ്യൂസർ… എന്റെ വേറൊരു ചേട്ടൻ.. അനിൽ മാത്യു എന്ന ചങ്ക് പറിച്ചു തരുന്ന കണ്ട്രോളർ. ഇവരെല്ലാം കൂടെയുണ്ട്.
പക്ഷെ… ആന്റണി വർഗീസ് എന്ന നടൻ, അതിലുപരി എന്റെ സ്വന്തം സഹോദരൻ , നാട്ടുകാരൻ.. സിമ്പിൾ മനുഷ്യൻ.. പുള്ളിയാണ് നായകൻ…. എന്റെ ഗുരുക്കൾ ദീപുവേട്ടൻ, വിനീത് ബ്രോ, അനൂപേട്ടൻ, അപ്പു, ദിലീപേട്ടൻ, പ്രിയ, ആൽവിൻ ചേട്ടൻ, മേത്ത സർ, ആന്റോ ചേട്ടൻ ശാന്ത ചേച്ചി..my family, relatives n friends.. I need ur prayers and blessings. 🙂
ബാക്കി വിവരങ്ങൾ പുറകെ. 🙂
