സ്വർണക്കടത്ത് കേസുമായി ബന്ധപ്പെട്ട് നടി ജ്യോതി കൃഷ്ണയുടെ ഭർത്താവ് അറസ്റ്റിലായി എന്ന വാർത്തകൾ കഴിഞ്ഞ ദിവസം സോഷ്യൽ മീഡിയയിൽ പ്രചരിച്ചിരുന്നു. ഈ വ്യാജവാർത്തകൾക്കെതിരെ പൊട്ടിത്തെറിക്കുക ആണ് അദ്ദേഹം. അരുൺ ആനന്ദാണ് ജ്യോതികൃഷ്ണയുടെ ഭർത്താവും ക്ലാസ്സ്‌മേറ്റ്സ് ഫെയിം രാധികയുടെ സഹോദരനും. ഫെയ്സ്ബുക്ക് ലൈവിലൂടെ ആണ് അദ്ദേഹം തനിക്കെതിരെ ഉണ്ടായ ആക്രമണങ്ങൾക്കെതിരെ പ്രതികരിച്ചത്.
ജ്യോതി കൃഷ്ണയുടെ വാക്കുകൾ:
സൈബര്‍ ആക്രമണങ്ങള്‍ മുന്‍പ് ഉണ്ടായിട്ടുണ്ടെങ്കിലും ഇത്തരമൊരെണ്ണം ഇതാദ്യമാണ്. കോവിഡ് പ്രതിസന്ധിയില്‍പെട്ട് എല്ലാവരും ബുദ്ധിമുട്ടുന്ന സാഹചര്യത്തില്‍ ഇത്തരത്തില്‍ വാര്‍ത്തകള്‍ വരുന്നത് ഞെട്ടിക്കുന്നു.
എന്റെ ബാല്യകാല സുഹൃത്ത് വിളിച്ചപ്പോഴാണ് കാര്യം അറിയുന്നത്, എന്റെ കുടുംബത്തെ അടക്കം ഉള്‍ക്കൊള്ളിച്ച്‌ വളരെ മോശമായ രീതിയിലാണ് വാര്‍ത്ത കൊടുത്തിരിക്കുന്നത്.
ഇത്തരത്തില്‍ വാര്‍ത്ത നല്‍കി അധിഷേപിച്ചവര്‍ക്കെതിരെ നിയമനടപടികളുമായി മുന്‍പോട്ട് പോകുകയാണ്.
