ഗ്ലാമര്‍ നായികമാര്‍ പൊതുവെ അമ്മ വേഷങ്ങല്‍ ചെയ്യാറില്ല. അല്ലെങ്കില്‍ ഒരിക്കല്‍ അമ്മ വേഷം ചെയ്താല്‍ പിന്നെ തുടര്‍ച്ചയായി അമ്മ വേഷം തന്നെ വരും എന്ന ഭയം കൊണ്ടാണോ എന്നറിയില്ല പല മുന്‍നിര നായികമാരും അമ്മ വേഷം ചെയ്യാന്‍ മടിക്കാറുണ്ട്. ഇപ്പോഴിതാ കാജള്‍ അഗര്‍വാള്‍ ആ തീരുമാനം എടുക്കുന്നു. പുതിയ ചിത്രത്തില്‍ അമ്മ വേഷത്തിലാണ് നടി എത്തുന്നത്.
കല്യാണം കഴിച്ചതുകൊണ്ടാണോ ഈ റോള്‍ വന്നത് എന്ന് ആരാധകര്‍ ചോദിക്കുന്നുണ്ടെങ്കിലും, അല്ല.. അഭിനയ സാധ്യത ഉള്ളത് കൊണ്ടാണ് ഈ വേഷം ചെയ്യുന്നതെന്നാണ് കാജളിന്റെ മറുപടി. നവാഗതനായ രാജു സരവണന്‍ സംവിധാനം ചെയ്യുന് റൗഡി ബേബി എന്ന ചിത്രത്തിലാണ് കാജള്‍ അഗര്‍വാള്‍ അമ്മ വേഷത്തിലെത്തുന്നത്. അമ്മ – മകള്‍ ബന്ധത്തെ കുറിച്ച് പറയുന്ന സിനിമയാണ് റൗഡി ബേബി.
ചെറിയ കുഞ്ഞിന്റെ അമ്മയായാണ് കാജള്‍ അഭിനയിക്കുന്നത്. എന്നാല്‍ 17 വര്‍ഷത്തെ തന്റെ അഭിനയ ജീവിതത്തില്‍ ഇതുവരെ കാജള്‍ അഗര്‍വാള്‍ ചെയ്യാത്ത അമ്മ വേഷം വിവാഹ കഴിഞ്ഞ ഉടന്‍ വന്നതാണ് ആരാധകരെ കുഴപ്പിയ്ക്കുന്നത്. അഭിഷേക് ഫിലിംസിന്റെ ബാനറില്‍ രമേഷ് പി പിള്ളയാണ് റൗഡി ബേബി നിര്‍മിയ്ക്കുന്നത്. വൈര മുത്തുവിന്റെ വരികള്‍ക്ക് സാം സി എസാണ് സംഗീതം. ചെല്ലദുരൈ ഛായാഗ്രഹണം നിര്‍വ്വഹിയ്ക്കുന്ന ചിത്രത്തിന്റെ ചിത്രസംയോജകന്‍ ദീപക് ധ്വാരകാനന്ദ് ആണ്.
