തെന്നിന്ത്യയുടെ പ്രിയപ്പെട്ട നായിക കാജല്‍ അഗര്‍വാള്‍ വിവാഹ ജീവിതത്തിലേക്ക് കടക്കാന്‍ ഒരുങ്ങുകയാണ്. സോഷ്യല്‍മീഡിയിലൂടെ ഈ നവരാത്രി ആഘോഷങ്ങളില്‍ സര്‍പ്രൈസുമായി നടി കാജല്‍ അഗര്‍വാള്‍ എത്തിയിരിക്കുകയാണ്. ഭാവി വരന്‍ ഗൗതം കിച്ച്ലുവുമൊത്തുള്ള ചിത്രം പങ്കുവച്ചായിരുന്നു നടി സര്‍പ്രൈസ് പുറത്തു വിട്ടത്. വിവാഹമാണെന്നും എല്ലാവരുടെയും അനുഗ്രഹം വേണം എന്നും അറിയിച്ചുള്ള താരത്തിന്റെ പോസ്റ്റ് പ്രേക്ഷകര്‍ ഏറ്റെടുത്തിരുന്നു.ഭാവി വരനെ ക്കുറിച്ചുള്ള വിവരങ്ങള്‍ പിന്നീടാണ് പുറത്ത് വന്നത്.
ഗൗതം തമ്മിലുള്ള വിവാഹത്തിന് ഇനി ദിവസങ്ങള്‍ മാത്രമാണ് ഉള്ളത്. ഒക്ടോബര്‍ 30നാണ് ഇരുവരുടെയും വിവാഹം ബന്ധുക്കള്‍ നിശ്ചയിച്ചിരിക്കുന്നത്. ആഘോഷത്തിന്റെ നാളുകളിലാണ് താരകുടുംബം ഇപ്പോള്‍.
ബിസിനസ്മാനും ഇന്റീരിയര്‍ ഡിസൈനറുമായ ഗൗതം കിച്ച്‌ലുവും മുംബൈ സ്വദേശിയാണ്.കാജല്‍ പഠിച്ചു വളര്‍ന്നതെല്ലാം മുംബൈയിലാണ്. താരം അഭിനയ രംഗത്ത് അരങ്ങേറ്റം കുറിച്ചതും ഹിന്ദി ചിത്രത്തിലൂടെയാണ്. പക്ഷെ ശ്രദ്ധിക്കപ്പെട്ടത് തെന്നിന്ത്യന്‍ സിനിമകളിലൂടെയാണ.്
ഇരുവരുടേതും വീട്ടുകാര്‍ പറഞ്ഞു നിശ്ചയിച്ച വിവാഹമാണിത്. കഴിഞ്ഞ മാസമായിരുന്നു വിവാഹ നിശ്ചയം കോവിഡ് മാനദണ്ഡം അനുസരിച്ച് ചെറിയ രീതിയില്‍ നടത്തിയത്, വിവാഹവും അതു പോലെ തന്നെ ചെറിയ രീതിയിലാണ് നടത്താന്‍ തീരുമാനിച്ചിരിക്കുന്നത്.
