മലയാള സിനിമയിലെ പ്രഗല്‍ഭരായ സംവിധായകരില്‍ ഒരാളായ സത്യന്‍ അന്തിക്കാടിന്റെ മകന്‍ അനൂപ് സത്യന്‍ സംവിധാനം ചെയ്യുന്ന ഏറ്റവും പുതിയ ചിത്രമായിരുന്നു വരനെ ആവശ്യമുണ്ട്. ചിത്രം മികച്ച അഭിപ്രായങ്ങളോടെ തീയേറ്ററുകളില്‍ മുന്നേറുകയാണ്. വന്‍ താര നിരയാണ് ചിത്രത്തില്‍ അണി നിരന്നത.് സുരേഷ് ഗോപി, ശോഭന, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍ , തുടങ്ങിയവര്‍ ചിത്രത്തില്‍ പ്രധാന വേഷത്തില്‍ എത്തി.
ചിത്രം മികച്ച അഭിപ്രായത്തോടെ ചിത്രം മുന്നേറുമ്പോള്‍ കല്യാണിയ്ക്ക് മലയാളത്തില്‍ നിരവധി ആരാധകര്‍ ഉണ്ടാവുകയാണ്. കല്യാണി ആദ്യമായി മലയാളത്തില്‍ നായിക എത്തിയ ചിത്രം കൂടിയായിരുന്നു വരനെ ആവശ്യമുണ്ട് .അടുത്ത ചിത്രം കുഞ്ഞാലിമരയ്ക്കാര്‍ അറബിക്കടലിന്റെ സിംഹം ആണ്. തെന്നിന്ത്യയില്‍ സൂപ്പര്‍താരങ്ങളുടെ നായികയായി എത്തിയ താരത്തിന് അവിടെ ലഭിച്ച അതേ പിന്തുണ തന്നെയാണ് മലയാളത്തിലും ലഭിക്കുന്നത്. താരത്തിന് വരനെ ആവശ്യമുണ്ടോ എന്ന ചോദ്യവുമായാണ് പലരും താരത്തിന്റെ ഫോട്ടോക്ക് താഴെ രസകരമായ കമന്റുകള്‍ അറിയിക്കുന്നത്.
സ്വാഭാവിക അഭിനയം കൊണ്ടാണ് കല്യാണി ആരാധകരുടെ ഹൃദയത്തില്‍ കയറിക്കൂടിയത്. എല്ലാ സീനിയര്‍ അഭിനേതാക്കളോടൊപ്പം അവരോടൊത്ത് ഒന്നിനൊന്ന് മികച്ച പ്രകടനമായിരുന്നു ചിത്രത്തില്‍ താരം കാഴ്ചവച്ചത.് സോഷ്യല്‍ മീഡിയയില്‍ വളരെ സജീവമായ കല്യാണി വിശേഷങ്ങളെല്ലാം ആരാധകരുമായി പങ്കവയ്ക്കാറുണ്ട്.
