വരനെ ആവശ്യമുണ്ട് എന്ന സിനിമയിലൂടെ മലയാളികളുടെ മനസ് കീഴടക്കിയ നടിയാണ് കല്യാണി പ്രിയദർശൻ. സംവിധായകൻ പ്രിയദർശന്റെയും നടി ലിസിയുടെയും മകളായ കല്യാണി ഇപ്പോൾ ഇൻസ്റ്റഗ്രാമിൽ പങ്കുവെച്ചിരിക്കുന്ന ചില ചിത്രങ്ങളാണ് ആരാധകരുടെ ഹൃദയം കീഴടക്കിയിരിക്കുന്നത്. കൂർഗിൽ നിന്നുള്ള ചിത്രങ്ങളാണ് കല്യാണി കഴിഞ്ഞ കുറച്ചു ദിവസങ്ങളായി ഇൻസ്റ്റഗ്രാമിലൂടെ പങ്കുവെച്ചിരിക്കുന്നത്.
സുഹൃത്തുക്കൾക്കൊപ്പമാണ് കല്യാണി കൂർഗ് കറങ്ങിയത്. കാപ്പി കുടിച്ചും ചായ കുടിച്ചും ജീപ്പിൽ കറങ്ങിയും ചൂടുവെള്ളത്തിൽ കുളിച്ചും കാട്ടിൽ നടന്നുമെല്ലാം മനോഹരമായ ദിവസങ്ങളിലൂടെയാണ് താൻ കടന്നു പോയതെന്ന് കല്യാണി വ്യക്തമാക്കുന്നു. ഒട്ടേറെ പേരാണ് ചിത്രങ്ങൾക്ക് കമന്റുമായി രംഗത്ത് എത്തിയിരിക്കുന്നത്.
വിനീത് ശ്രീനിവാസൻ സംവിധാനം ചെയ്ത ഹൃദയം എന്ന സിനിമയാണ് കല്യാണിയുടേതായി അടുത്തതായി പുറത്തിറങ്ങാൻ ഉള്ളത്. വരനെ ആവശ്യമുണ്ട് എന്ന സിനിമയിലെ അഭിനയത്തിന് കല്യാണി പ്രിയദർശന് മികച്ച നവാഗത നടിക്കുള്ള സൈമ അവാർഡ് ലഭിച്ചിരുന്നു. പൃഥ്വിരാജിന്റെ ‘ബ്രോ ഡാഡി’ എന്ന ചിത്രത്തിലാണ് കല്യാണി പ്രിയദർശൻ ഏറ്റവും അവസാനമായി അഭിനയിച്ചത്. ചിത്രത്തിൽ പൃഥ്വിരാജും ഒരു മുഴുനീള വേഷത്തിൽ അഭിനയിക്കുന്നുണ്ട്. ശ്രീജിത്തും ബിബിൻ ജോർജുമാണ് ചിത്രത്തിന്റെ തിരക്കഥ എഴുതുന്നത്. അഭിനന്ദൻ രാമാനുജം ആണ് ചിത്രത്തിന്റെ ഛായാഗ്രാഹകൻ. സംഗീത സംവിധാനം ദീപക് ദേവ്.
