മരട് ഉൾപ്പെടെയുള്ള സമകാലീന സംഭവങ്ങളെ ആസ്പദമാക്കി കണ്ണൻ താമരക്കുളം സംവിധാനം ചെയ്ത ചിത്രം ‘വിധി’യിലെ പാട്ട് പുറത്തിറങ്ങി. മരട് 365 എന്നായിരുന്നു സിനിമയ്ക്ക് ആദ്യം പേരിട്ടിരുന്നത്. എന്നാൽ പിന്നീട് കോടതി വിധിയുടെ പശ്ചാത്തലത്തിൽ ‘വിധി’ എന്ന് സിനിമയുടെ പേര് മാറ്റുകയായിരുന്നു. ചിത്രത്തിലെ ‘കന്നിപ്പാടം വിതച്ചത്’ എന്ന ഗാനമാണ് പുറത്തിറങ്ങിയത്. സെന്തിൽ കൃഷ്ണയും ധർമജനും പാട്ട് രംഗങ്ങളിൽ നിറഞ്ഞു നിൽക്കുന്നത്.
എങ്ങാണ്ടിയൂർ ചന്ദ്രശേഖരന്റെ വരികൾക്ക് സാനന്ദ് ജോർജ് ഗ്രേസ് ആണ് സംഗീതം നൽകിയിരിക്കുന്നത്. ബിഷോയ് അനിയൻ ആണ് ഗാനം ആലപിച്ചിരിക്കുന്നത്. എബ്രഹാം മാത്യു, സുദർശനൻ കാഞ്ഞിരംകുളം എന്നിവർ ചേർന്നാണ് സിനിമ നിർമിച്ചത്. ദിനേശ് പള്ളത്താണ് സിനിമയുടെ രചയിതാവ്.
അനൂപ് മേനോൻ, സെന്തിൽ കൃഷ്ണ, ധർമജൻ ബോൾഗാട്ടി, ഷീലു എബ്രഹം, നൂറിൻ ഷെരീഫ്, മനോജ് കെ ജയൻ, ബൈജു സന്തോഷ്, സാജിൽ സുദർശൻ, സുധീഷ്, ഹരീഷ് കണാരൻ, കൈലാഷ്, ശ്രീജിത്ത് രവി, ജയൻ ചേർത്തല, സരയു തുടങ്ങി വലിയ താരനിരയാണ് ചിത്രത്തിലുള്ളത്.
