പ്രിയദർശന്റെ സംവിധാനത്തിൽ ഒരുങ്ങിയ ഗീതാഞ്ജലി എന്ന ചിത്രത്തിലൂടെ മലയാള സിനിമയിലേക്ക് എത്തിയ താരമാണ് കീർത്തി സുരേഷ്. സുരേഷ് കുമാറിന്റെയും മേനകയുടെയും മകളായ കീർത്തിയ്ക്ക് അമ്മയെപ്പോലെ ആകണമെന്നയിരുന്നു ആഗ്രഹം. ലക്ഷ്വറി ഇല്ലാതെയാണ് അച്ഛൻ തങ്ങളെ വളർത്തിയത് എന്നും സാധാരണ കുട്ടികളെ പോലെ മതി എന്നാണു അവർ പറ‍ഞ്ഞിരുന്നത് എന്നും കീർത്തി പറഞ്ഞിട്ടുണ്ട്. മലയാളത്തിനു പുറമേ താരം തെലുങ്ക് തമിഴ് ചിത്രങ്ങളിൽ എല്ലാം അഭിനയിക്കുന്നുണ്ട്.
കീർത്തി സുരേഷ് ഭാരം കുറയ്ക്കുന്നു എന്ന വാർത്ത സോഷ്യൽ മീഡിയയിൽ പ്രചരിച്ചിരുന്നു. ചലച്ചിത്രമേഖലയിലെ ഏറ്റവും പുതിയ റിപ്പോര്‍ട്ട് അനുസരിച്ച്, ബിക്കിനി ധരിക്കാന്‍ ശരീരഭാരം കുറയ്ക്കാന്‍ കീര്‍ത്തി സുരേഷ് തീരുമാനിച്ചു എന്നാണ്. എന്നാൽ ഈ വാർത്ത ഇപ്പോൾ നിഷേധിച്ചുകൊണ്ട് രംഗത്തെത്തിയിരിക്കുകയാണ് കീർത്തി സുരേഷ്. “ശരീരഭാരം കുറയ്ക്കാനുള്ള തീരുമാനം ഇപ്പോള്‍ എടുത്തിട്ടില്ല, അത് വളരെക്കാലമായി അവിടെയുണ്ട്. മെലിഞ്ഞ രൂപത്തിലേക്ക് കടക്കാന്‍ ഞാന്‍ ഒരു വര്‍ഷത്തോളം കഠിനാധ്വാനം ചെയ്തു. തനിക്ക് ഒരു വലിയ ഫിലിം ഓഫര്‍ ലഭിച്ചുവെന്ന് കീര്‍ത്തി സുരേഷ് പറഞ്ഞു, എന്നാല്‍ സ്‌ക്രീനില്‍ ഒരു ബിക്കിനി ധരിക്കാന്‍ ഇഷ്ടമില്ലാത്തതിനാല്‍ അത് നിരസിച്ചു.” താരം പറയുന്നു.
