വമ്പൻ വിജയമായി തീർന്ന കേരളാ ഫിലിം പ്രൊഡ്യൂസഴ്സ് ക്രിക്കറ്റ് ടീം നടത്തുന്ന കെ എഫ് പി പ്രീമിയർ ലീഗിന്റെ സീസൺ 2 ഈ വർഷം നവംബർ 28 മുതൽ ഡിസംബർ 2 വരെ നടക്കുന്നു. കേരളാ സെലിബ്രിറ്റി ക്രിക്കറ്റ് ടൂർണമെന്റുകളുടെ ചരിത്രത്തിൽ ആദ്യമായി ഫ്ളഡ് ലൈറ്റിൽ ആണ് ഇത്തവണ ഈ ക്രിക്കറ്റ് ടൂർണമെന്റ് നടക്കുക. ശ്രീ ഗോകുലം മൂവീസ് സ്പോൺസർ ചെയ്യുന്ന ഈ ടൂർണമെന്റിൽ ഗുഡ് വിൽ എന്റർടൈൻമെൻറ്സും പങ്കാളികളാകുന്നു. 12 ടീമുകൾ ആണ് ഇത്തവണ പങ്കെടുക്കാൻ എത്തുന്നത്. ടി സി സി പൂജ ക്രിക്കറ്റ് സ്റ്റേഡിയത്തിൽ ആണ് ഈ ടൂർണമെന്റ് നടക്കാൻ പോകുന്നത്.
ഡയറക്ടേർസ് ഇലവൻ, കേരളാ പ്രൊഡ്യൂസേഴ്സ് ഇലവൻ, ഓൺലൈൻ റൈഡേഴ്‌സ്, ടി വി ടൈഗേഴ്‌സ്, കൊച്ചിൻ മ്യൂസിക് ചലഞ്ചേഴ്‌സ്, മാസ്റ്റർ ബ്ലാസ്റ്റേഴ്‌സ്, മില്ലേനിയം സ്റ്റാർസ്, എവല്യൂഷൻ ക്രിക്കറ്റ് ക്ലബ്, കൊറിയോഗ്രാഫേഴ്സ് , മാ ഫൈറ്റേഴ്സ് , മെലഡി ഹീറോസ്, സുവി സ്‌ട്രൈക്കേഴ്‌സ് എന്നിവയാണ് ഈ ടൂർണമെന്റിൽ മാറ്റുരക്കുന്ന പന്ത്രണ്ടു ടീമുകൾ. ഫാർസ് ഫിലിംസ്, രാജഗിരി ഹോസ്പിറ്റൽ, മൊബൈൽ കിംഗ്, ഡിണ്ടിഗൽ ബിരിയാണി, തുടങ്ങി ഒട്ടേറെ സ്പോൺസേർസ് ഈ ടൂർണമെന്റിന്റെ ഭാഗമാണ്.
