ടോവിനോ തോമസിനെ കേന്ദ്ര കഥാപാത്രമാക്കി ബേസിൽ ജോസഫ് സംവിധാനം ചെയ്ത മിന്നൽ മുരളി കടൽ കടന്നും കുതിക്കുകയാണ്. നെറ്റ്ഫ്ല്ക്സിൽ ഇന്ത്യയിൽ ടോപ് 10ൽ ഒന്നാമതായി മിന്നൽ മുരളി തുടരുകയാണ്. അതേസമയം, നെറ്റ്ഫ്ലിക്സിൽ 30 രാജ്യങ്ങളിൽ ടോപ് 10ൽ മിന്നൽ മുരളി എത്തിക്കഴിഞ്ഞു. അമേരിക്ക, ഏഷ്യ, ആഫ്രിക്ക എന്നിവിടങ്ങളിലായാണ് 30 രാജ്യങ്ങളിൽ ടോപ് 10 പട്ടികയിൽ മിന്നിൽ മുരളി ഇടം നേടിയത്.
ഇപ്പോൾ സോഷ്യൽമീഡിയയിൽ തരംഗമായിരിക്കുന്നത് ചൈനീസ് കുട്ടികൾ മിന്നൽ മുരളി ആസ്വദിച്ച് കാണുന്നതാണ്. സംവിധായകൻ ബേസിൽ ജോസഫ് ആണ് വീഡിയോ സോഷ്യൽ മീഡിയയിൽ പങ്കുവെച്ചിരിക്കുന്നത്. വീഡിയോ ഏതായാലും വൈറലായിരിക്കുകയാണ്. ‘ഈ വീഡിയോ എന്റെ ദിവസം മനോഹരമാക്കി’ എന്നാണ് ബേസിൽ ഫേസ്ബുക്കിൽ കുറിച്ചത്. മിന്നൽ മുരളിയിലെ സീനുകൾ കണ്ട് അമ്പരക്കുകയും ചിരിക്കുകയും ചെയ്യുന്നത് വീഡിയോയിൽ കാണാം.
മിന്നൽ മുരളി എന്ന ചിത്രത്തിന് മികച്ച പ്രതികരങ്ങളാണ് ലഭിച്ചു കൊണ്ടിരിക്കുന്നത്. ടോവിനോയ്ക്കൊപ്പം തന്നെ ഗുരു സോമസുന്ദരത്തിന്റെ ഷിബുവിനെയും പ്രേക്ഷകർ ഏറ്റെടുത്തു. നെറ്റ്ഫ്ലിക്സ് റിലീസിന് മുമ്പ് ചിത്രം ജിയോ മാമി മുംബൈ ഫിലിം ഫെസ്റ്റിവലില്‍ പ്രദര്‍ശിപ്പിച്ചിരുന്നു. കുറുക്കൻമൂല എന്ന ഗ്രാമത്തിലെ സൂപ്പർ ഹീറോ ആയ മിന്നൽ മുരളിയുടെ കഥയാണ് സിനിമ പറയുന്നത്. ചിത്രത്തിന്റെ കഥ, തിരക്കഥ, സംഭാഷണം എന്നിവ അരുണ്‍ എ ആര്‍, ജസ്റ്റിന്‍ മാത്യൂസ് എന്നിവര്‍ ചേര്‍ന്നാണ് നിര്‍വ്വഹിച്ചിരിക്കുന്നത്. സമീർ താഹിറാണ് ഛായാഗ്രഹണം.
View this post on Instagram
