ലോക്ഡൗണ്‍ കാലത്ത് താരങ്ങളെല്ലാം സോഷ്യല്‍ മീഡിയയില്‍ സജീവമാണ്. മിക്ക താരങ്ങള്‍ക്കും യുട്യൂബ് ചാനലുകളുണ്ട്. വീട്ടിലെ വിശേഷം, യാത്രാ വിവരണം, പാചകം ഇതൊക്കെ തന്നെയാണ് പലരുടേയും കണ്ടന്റ്. നടന്‍ കൃഷ്ണകുമാറിന്റേയും കുടുംബത്തിന്റേയും വീഡിയോകളും വൈറലാണ്. ഇപ്പോഴിതാ ഈ കുടുംബത്തിന് മാസത്തില്‍ ലഭിക്കുന്ന വരുമാനത്തെക്കുറിച്ച് പറയുകയാണ് മറ്റൊരു വ്‌ളോഗറായ മൂപ്പന്‍സ് വ്‌ളോഗ്‌സ്.
കൃഷ്ണകുമാറിന്റെ കുടുംബത്തില്‍ എല്ലാവര്‍ക്കും സ്വന്തമായ യുട്യൂബ് ചാനലുണ്ട്. എല്ലാവരും ഇതില്‍ സജീവമാണ്. അഹാനയ്ക്കാണ് ഏറ്റവും കൂടുതല്‍ സബ്‌സ്‌ക്രൈബേഴ്‌സ്. വ്യൂസ് 55 ലക്ഷമാണ് അഹാനയുടെ ചാനലിനു കിട്ടിയത്. ഒരു മാസം കേവലം 7 വീഡിയോയാണ് ചെയ്തത്. അതില്‍ നിന്നുമാണ് ഇത്രയും വ്യൂസ് ഉണ്ടാക്കിയത്. 1650 യുഎസ് ഡോളര്‍ അഥവാ ഏകദേശം 12,4000 രൂപയാണ് അഹാനയുടെ യുട്യൂബ് വരുമാനം.
ഇഷാനി എഴുപത്തി അയ്യായിരത്തോളം രൂപയാണ് യുട്യൂബില്‍ നിന്ന് നേടിയത്. ദിയ കൃഷ്ണയ്ക്ക് ഒരു ലക്ഷം രൂപയോളം കഴിഞ്ഞ മാസം സ്വന്തമാക്കാന്‍ സാധിച്ചു. ഹന്‍സികയ്ക്ക് മുപ്പതിനായിരം രൂപയും സിന്ധുവിന് ഇരുപത്തിയ്യായിരം രൂപയും ലഭിച്ചു. എന്നാല്‍ കൃഷ്ണകുമാര്‍ കഴിഞ്ഞ മാസം കുറച്ച് വീഡിയോയെ ചെയ്തിട്ടുള്ളു, അതിനാല്‍ തന്നെ വലിയ വരുമാനം ഒന്നും ലഭിച്ചിട്ടില്ല. കുടുംബത്തിന്റെ മൊത്തം വരുമാനം നാല് ലക്ഷത്തിന് മുകളില്‍ വരും.
