അൽഫോൻസ് പുത്രേൻ ഒരുക്കിയ നേരം, പ്രേമം തുടങ്ങിയ ചിത്രങ്ങൾ കൂടാതെ വള്ളീം തെറ്റി പുള്ളീം തെറ്റി, മരുഭൂമിയിലെ ആന, ആദി, അള്ള് രാമേന്ദ്രൻ, തൊബാമ തുടങ്ങിയ ചിത്രങ്ങളിലും കൃഷ്ണശങ്കർ അഭിനയിച്ചിട്ടുണ്ട്. താരത്തിന്റെ ഗംഭീര മേക്കോവറാണ് ഇപ്പോൾ സോഷ്യൽ മീഡിയയിൽ സംസാര വിഷയം. അദ്ദേഹത്തിന്റെ തന്നെ വാക്കുകളിലൂടെ..
ഒരു പുതിയ സിനിമ ഇറങ്ങിയ പോലെ ഞങ്ങളുടെ തോബാമ കണ്ടാസ്വദിച്ച, സിനിമയുടെ അഭിപ്രായം ഫോണിലൂടെയും മെസ്സേജിലൂടെയും ഞങ്ങളെ അറിയിച്ച എല്ലാവർക്കും ഒരുപാട് നന്ദി. S.V.Krishnasankar എന്ന എന്റെ സ്വഭാവത്തിലോ, രൂപത്തിലോ, ഭാവത്തിലോ, ശരീരഭാഷയിലോ സാമ്യമില്ലാത്ത “മമ്മൂ” എന്ന കഥാപാത്രത്തെ എന്നെ വിശ്വസിച്ചേൽപ്പിച്ച സംവിധായകൻ മൊഹ്സിന് ഒരുപാട് നന്ദി. ഈ കഥ പറയുമ്പോൾ 68 കിലോ ആയിരുന്ന എന്നെ മുടി വളർത്തിയാൽ, clean shave ചെയ്‌താൽ, വണ്ണം കൂട്ടിയാൽ, കുടവയറാക്കിയാൽ, ഇത് മമ്മുവാകും എന്ന് മൊഹ്‌സിൻ അവന്റെ മനസ്സിൽ മമ്മുവിന്റെ ഒരു രൂപമുണ്ടാക്കി. ഷൂട്ട് തുടങ്ങുന്നതിനു മുൻപ് ഞാനും മനസ്സ് കൊണ്ടും ശരീരം കൊണ്ടും മമ്മുവിലേക്ക് അടുത്തുകൊണ്ടിരുന്നു.
68ൽ നിന്നും ആദ്യം 70, പിന്നെ 75, 80, പിന്നെ 84 കിലോ ആയപ്പോൾ മൊഹ്‌സിൻ പറഞ്ഞു, “ഇതാണ് മമ്മു”. 27 April, 2018 തോബാമ തിയേറ്ററിൽ വന്നു. “ചില സാങ്കേതിക കാരണങ്ങളാൽ..” എന്ന വാക്ക് ഉപയോഗിക്കാതെ, ഞങ്ങളുടെ കാര്യങ്ങൾ കൊണ്ട് സിനിമ തിയേറ്ററിൽ നിന്നില്ല. പക്ഷെ എന്നിട്ടും മൊഹ്‌സിൻ തോബാമയിൽ തന്നെ നിന്ന്, ആ സിനിമയെ Re-edit ചെയ്ത്, DI ചെയ്ത്. വീണ്ടും ബാക്ഗ്രൗണ്ടും, സൗണ്ടും എല്ലാം ചെയ്ത്, ഒരു പുതിയ സിനിമയാക്കി. അത് Asianet ഏറ്റെടുത്തു, Thanks to Madhavan Sir & Dileep Sir. ഇന്നലെ ഒരു പുതിയ സിനിമ റിലീസ് ചെയ്‌ത പോലെ നിങ്ങളുടെ അടുത്ത് എത്തിച്ചു. അത് കണ്ട് നിങ്ങൾ വിളിച്ച ഫോൺ കോളുകളും, അയച്ച മെസ്സേജുകളും, ഇനിയും ഇത്തരം കഥാപാത്രങ്ങൾ ചെയ്യാൻ ഞങ്ങൾക്ക് ധൈര്യം തരുന്നു. ഒന്നാലോചിക്കുമ്പോൾ, എന്റെയും മമ്മുവിന്റെയും ആഗ്രഹം ഒന്നാണ്. “ഒരുനല്ല നടനാവുക” എന്നത്. അതിന് ഒരുപാട് ദൂരം യാത്ര ചെയ്യാനുണ്ട്. ആ യാത്രയിൽ ഇതുപോലെ നിങ്ങൾ ഒപ്പമുണ്ടാവുമെന്ന് ഞാൻ ആഗ്രഹിക്കുന്നു, വിശ്വസിക്കുന്നു, അതിനായി പ്രാർത്ഥിക്കുന്നു. ഒരുപാട് നന്ദി.
