സൗബിൻ സാഹിർ,ഷെയ്ൻ നിഗം,ശ്രീനാഥ് ഭാസി ഒപ്പം ഫഹദ് ഫാസിൽ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് കുമ്പളങ്ങി നൈറ്റ്‌സ്.മധു സി നാരായണൻ സംവിധാനം നിർവഹിക്കുന്ന ചിത്രത്തിന്റെ തിരക്കഥ ഒരുക്കിയത് ശ്യാം പുഷ്കരൻ ആണ്.ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു.
ചിത്രത്തിന് എങ്ങുനിന്നും മികച്ച റിപ്പോർട്ടുകൾ ആണ് ലഭിക്കുന്നത്.റിയലിസ്റ്റിക് പശ്‌ചാത്തലത്തിൽ ഒരുക്കിയ ചിത്രം മനുഷ്യന്റെ പച്ചയായ ജീവിതനിമിഷങ്ങളെ വരച്ചു കാട്ടുന്നു.ആദ്യ ദിവസം യുവപ്രേക്ഷകരുടെ തള്ളി കയറ്റമാണ് ഉണ്ടായത് എങ്കിൽ ഇന്നലെ മുതൽ കുടുംബപ്രേക്ഷകരുടെ ഒരു വലിയ തള്ളി കയറ്റമാണ് തിയറ്ററുകളിൽ ഉണ്ടാക്കുന്നത്.
ഒരു വട്ടം സിനിമ കണ്ടവർ വീണ്ടും വീണ്ടും ചിത്രം കാണുവാൻ വരുന്നു എന്നതും ശ്രദ്ധേയമായ കാര്യമാണ്.അടുത്ത കാലത്ത് മലയാള സിനിമ കണ്ടിട്ടുള്ള ഏറ്റവും മികച്ച ചിത്രത്തിന് വേണ്ട രീതിയിൽ ഉള്ള സ്വീകരണം തന്നെയാണ് പ്രബുദ്ധരായ മലയാള ചലച്ചിത്ര പ്രേക്ഷക സമൂഹം നൽകി കൊണ്ടിരിക്കുന്നത്.
