സൗബിൻ സാഹിർ,ഷെയ്ൻ നിഗം,ശ്രീനാഥ് ഭാസി ഒപ്പം ഫഹദ് ഫാസിൽ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് കുമ്പളങ്ങി നൈറ്റ്‌സ്.മധു സി നാരായണൻ സംവിധാനം നിർവഹിക്കുന്ന ചിത്രത്തിന്റെ തിരക്കഥ ഒരുക്കിയത് ശ്യാം പുഷ്കരൻ ആണ്.ഷൈജു ഖാലിദ് ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു.
ചിത്രം ഇന്നലെ തിയറ്ററുകളിൽ എത്തി. ആദ്യ പ്രദർശനത്തിന് ശേഷം മികച്ച പ്രതികരണമാണ് ചിത്രത്തിന് ലഭിക്കുന്നത് . കുമ്പളങ്ങിയുടെ രാത്രികളെ സ്വാഭാവികതയുടെ മനോഹാരിതയിൽ ചലച്ചിത്രവൽക്കരിച്ചിരിക്കുകയാണ് സംവിധായകൻ മധു സി നാരായണൻ ഇവിടെ.പുറത്ത് വരുന്ന നിരൂപണങ്ങളിൽ എല്ലാം ഈ വർഷത്തെ മികച്ച ചിത്രങ്ങളുടെ പട്ടികയിൽ മുൻപന്തിയിൽ തന്നെയാണ് കുമ്പളങ്ങി എന്ന തരത്തിലാണ്.കഴിഞ്ഞ വർഷം സുഡാനി ഫ്രം നൈജീരിയ ആണെങ്കിൽ ഇത്തവണ അത് കുമ്പളങ്ങി നൈറ്റ്‌സ് ആണെന്ന് നമ്മുക്ക് സധൈര്യം പറയുവാൻ സാധിക്കും.
മനുഷ്യ ജീവിതങ്ങളുടെ നേരിന്റെ കഥ പറഞ്ഞ ചിത്രത്തിൽ ഹൈലൈറ്റ് ശ്യാം പുഷകറിന്റെ തിരകഥയും ഫഹദ്,സൗബിൻ,ഷെയ്ൻ തുടങ്ങി ഒരുപിടി മികച്ച നടന്മാരുടെ ഗംഭീര പ്രകടനങ്ങളുമാണ്.മനസ്സ് നിറഞ്ഞ് തിയറ്റർ വിടാം ഈ കുമ്പളങ്ങി രാത്രികളെ നെഞ്ചിലേറ്റി…
