സോഷ്യൽ മീഡിയ ഇപ്പോൾ ‘കുത്തിപ്പൊക്കലുകൾക്ക്’ പിന്നാലെയാണ്. സാക്ഷാൽ സുക്കറണ്ണനെ പോലും വെറുതെ വിടാത്ത മലയാളികൾ അപ്പോൾ കേരളത്തിലെ സെലിബ്രിറ്റികളെ വെറുതെ വിടല്ലായെന്നത് സത്യം. ലാലേട്ടൻ, മമ്മുക്ക, പൃഥ്വിരാജ് എന്നിങ്ങനെ മിക്കവരുടെയും പഴയ ഫോട്ടോകൾ കുത്തിപ്പൊക്കിയിരിക്കുകയാണ് ട്രോളന്മാർ. അതിനിടയിൽ സ്വന്തം ഫോട്ടോ സ്വയം കുത്തിപ്പൊക്കിയിരിക്കുകയാണ് നടൻ അജു വർഗീസ്. അവതാർ എന്ന ചിത്രത്തിലെ കഥാപാത്രങ്ങളെ പോലെ മേക്കപ്പ് ചെയ്തിരിക്കുന്ന ഒരു ചിത്രമാണ് അജു വർഗീസ് ഷെയർ ചെയ്തിരിക്കുന്നത്. അതിന് ചാക്കോച്ചൻ ഇട്ട കമന്റാണ് അതിലും മാസ്സ്. മേക്കപ്പ് ഇല്ലാതെയൊക്കെ അഭിനയിക്കുവാൻ തുടങ്ങിയോ എന്നാണ് ചാക്കോച്ചന്റെ ചോദ്യം…!
